10 ଲକ୍ଷ ଟଙ୍କାର ଦେଶୀ ମଦ ନଷ୍ଟ କଲା ଅବକାରୀ ବିଭାଗ

ଅବକାରୀ ବିଭାଗ ଗୋଟେ ପ୍ଲାଟୁନ ପୋଲିସ ଫୋର୍ସ ସହ ପୁରୁଣା ବାଲେଶ୍ଵର ଅଞ୍ଚଳରେ ଚଢ଼ାଉ କରିଛି। ଅଧିକ ପଢନ୍ତୁ...

ବାଲେଶ୍ଵର: ଅବକାରୀ ବିଭାଗ ଗୋଟେ ପ୍ଲାଟୁନ ପୋଲିସ ଫୋର୍ସ ସହ ପୁରୁଣା ବାଲେଶ୍ଵର ଅଞ୍ଚଳରେ ଚଢ଼ାଉ କରିଛି । ସେଠାରେ ଥିବା ମଦ ତିଆରି କାରଖାନା ଉପରେ ଚଢ଼ାଉ କରିବା ବେଳେ ସେଠାରୁ ବେପାରିମାନେ ଖସି ପଳାଇଥିଲେ । ବିଭିନ୍ନ ସ୍ଥାନରେ ଚଢ଼ାଉ କରି 15 ହଜାର ଲିଟର ପୋଚ ସାଙ୍ଗକୁ 600 ଲିଟର ଦେଶୀ ମଦ ନଷ୍ଟ କରିଛି ଅବକାରୀ ବିଭାଗ ।

ଏହାସହ ମଦ ରନ୍ଧା ସାମଗ୍ରୀ ଜବତ କରାଯାଇଛି । ଏହାକୁ ନେଇ ଅବକାରୀ ବିଭାଗ ପକ୍ଷରୁ 4ଟି ମାମଲା ରୁଜୁ କରାଯାଇଛି । ଏହି ଚଢ଼ାଉରେ 60 ଜଣ ଟିମ୍ ସଦସ୍ୟ ସାମିଲ ହୋଇଥିବା ଜଣାପଡିଛି । ମଦ ଓ ପୋଚର ଆନୁମାନିକ ମୂଲ୍ୟ 10 ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ