ତାମୂଳିଆ ପୋଲରେ ଗାତ, ନିମ୍ନ ମାନର କାମ ହୋଇଥିବା ଅଭିଯୋଗ

ଫେବୃଆରୀ ମାସରେ ଉଦ୍‌ଘାଟିତ ହୋଇଥିବା ବାଲେଶ୍ବର ଜିଲ୍ଲାର ତାମୂଳିଆ ପୋଲରେ ଗାତ ସୃଷ୍ଟି ହୋଇଛି । ଲଗାଣ ବର୍ଷାରେ ଗାତ ସୃଷ୍ଟି ହୋଇଥିବା ସୂଚନା ରହିଥିବା ବେଳେ ନିମ୍ନ ମାନର କାମ ହୋଇଥିବା ଅଭିଯୋଗ କରିଛନ୍ତି ଲୋକେ ।

ବାଲେଶ୍ଵର: ଜିଲ୍ଲାର ତାମୂଳିଆ ଓଭର ବ୍ରିଜର ଶେଷ ଭାଗରେ ଗାତ ସୃଷ୍ଟି ହୋଇଛି । 2ଦିନ ଲଗାଣ ବର୍ଷା ଯୋଗୁଁ ଏପରି ବିପଦପୂର୍ଣ୍ଣ ଗାତ ସୃଷ୍ଟି ହୋଇଥିବା ଜଣାପଡିଛି।

ଗତ ଫେବୃଆରୀ ମାସ 13 ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ଏହି ପୋଲ ଉଦଘାଟିତ ହୋଇଥିଲା । ପୋଲରେ ଦୁଇମାସ ଧରି ବଡ ଗାଡି ଯିବା ଆସିବା ବନ୍ଦ କରାଯାଇଥିଲା । ହେଲେ ଏବେ ବଡ଼ ଗାଡି ଯିବା ଆସିବା କରୁଥିଲେ ମଧ୍ୟ ପୋଲର ଏମିତି ଅବସ୍ଥାକୁ ଦେଖି ଠିକାଦାରଙ୍କ ନିମ୍ନ ମାନର କାମ ସ୍ପଷ୍ଟ ବାରି ହୋଇ ପଡୁଛି । ତୁରନ୍ତ ପୋଲ ମରାମତି ପାଇଁ ସାଧାରଣରେ ଦାବି ହୋଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ