ବାଲେଶ୍ଵର: ମୁଖ୍ୟମନ୍ତୀଙ୍କୁ ଇଚ୍ଛାମୃତ୍ୟୁ ମାଗିଲେ ଜଣେ ଦିବ୍ୟାଙ୍ଗ ଛାତ୍ର । ରେମୁଣା ବ୍ଲକ ବରୁଣସିଂ ଅଞ୍ଚଳର ଜଣେ ଛାତ୍ର ଦୁର୍ଘଟଣାର ଶିକାର ହୋଇ ଦିବ୍ୟାଙ୍ଗ ହୋଇଯାଇଛନ୍ତି । ଅର୍ଥ ଅଭାବରୁ ଚିକିତ୍ସିତ ପାଇଁ ବାଧା ଉପୁଜୁଥିବାରୁ ଶରୀରର ପୀଡା ସହି ନପାରି ମୁଖ୍ୟମନ୍ତ୍ରୀଙ୍କୁ ମାଗିଛନ୍ତି ଇଚ୍ଛାମୃତ୍ୟୁ ।
ମୁଖ୍ୟମନ୍ତ୍ରୀଙ୍କୁ ଇଚ୍ଛାମୃତ୍ୟୁ ମାଗିଲେ ଦିବ୍ୟାଙ୍ଗ ଛାତ୍ର
"ମୁଁ ଆଉ ପାରୁ ନାହିଁ । ଥକି ପଡିଲିଣି । ମୁଁ ଆଉ କଷ୍ଟ ସହି ପାରୁନାହିଁ । ଅନେକ ଚେଷ୍ଟା କରି ସାରିଲିଣି ହେଲେ ଆଉ ପାରୁନାହିଁ । ମୋର ଜୀବନ ରଖିବାକୁ ଇଚ୍ଛା ନାହିଁ । ମୁଁ ମରିବାକୁ ଚାହୁଁଛି । ଆପଣ ଦୟା କରି ମୋତେ ଇଚ୍ଛା ମୃତ୍ୟୁ ଦିଅନ୍ତୁ । ମୁଁ ମରିବାକୁ ଚାହୁଁଛି । ଆଶା କରୁଛି ଆପଣ ମୋତେ ସାହାଯ୍ୟ କରିବେ ।" ଏମିତି କୋହ ଭରା ଶବ୍ଦ ଲେଖିଛନ୍ତି ଛାତ୍ର ବିଜୟ କୁମାର ଜେନା । ନିଜ ଶରୀରର ଯନ୍ତ୍ରଣା ସାଙ୍ଗକୁ ସରକାରୀ ସହାୟତାର ଲମ୍ବା ପ୍ରତୀକ୍ଷାରେ ବିଜୟ ନିରାଶ ହୋଇ ଇଚ୍ଛା ମୃତ୍ୟୁ ପାଇଁ ମୁଖ୍ୟମନ୍ତ୍ରୀଙ୍କୁ ଟୁଇଟ୍ କରି ନିବେଦନ କରିଛନ୍ତି ।