ବାଲେଶ୍ବର: ଅବକାରୀ ବିଭାଗର ମୋବାଇଲ ୟୁନିଟ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ଚୋରା ଦେଶୀମଦ ଜବତ ସହ ଗୋଟିଏ ମାରୁତି କାର ଜବତ କରାଯାଇଛି । ମଦ କାରବାରରେ ସମ୍ପୃକ୍ତ ଦୁଇଜଣଙ୍କୁ ଗିରଫ କରିଛି ମୋବାଇଲ ୟୁନିଟ ।
ଚୋରା ଦେଶୀମଦ ଜବତ ସହ ଦୁଇ ଗିରଫ
ବାଲେଶ୍ଵର ସହରର ସୁନାହଟ ଅଞ୍ଚଳରେ ମୋବାଇଲ ୟୁନିଟ ଇନିସପେକ୍ଟର ଉଦେଲାଲ ନାୟକଙ୍କ ନେତୃତ୍ବରେ ପେଟ୍ରୋଲିଂ ଚାଲିଥିବା ବେଳେ ମଧୁଆ ମିଲ ଛକରେ ଏକ କାରକୁ ସନ୍ଦେହରେ ଯାଞ୍ଚ କରାଯାଇଥିଲା । ଯାଞ୍ଚ ବେଳେ କାରରୁ ବିପୁଳ ପରିମାଣର ଦେଶୀମଦ ଚାଲାଣ ହେଉଥିବା ଜଣାପଡିଥିଲା । 5 ଶହ ଲିଟରରୁ ଅଧିକ ପରିମାଣର ଚୋରା ଦେଶୀ ମଦ ଜବତ କରିବା ସହ ଏକ ମାରୁତି କାର ଜବତ କରିଛି ମୋବାଇଲ ୟୁନିଟ । ଏହା ସହ ମଦ ଚାଲାଣରେ ସମ୍ପୃକ୍ତ ରବୀନ୍ଦ୍ର ପ୍ରଧାନ ଓ ଲକ୍ଷ୍ମୀଧର ସେଠୀଙ୍କୁ ଗିରଫ କରାଯାଇଛି ।