ବାଲେଶ୍ବର: ଜିଲ୍ଲାରେ କୋଭିଡ ସଂକ୍ରମଣ ହାର ଧୀରେ ଧୀରେ କମିବାରେ ଲାଗିଛି । କୋଭିଡ ସଂକ୍ରମିତଙ୍କ ପାଇଁ ଥିବା 2ଟି ସ୍ବତନ୍ତ୍ର ହସ୍ପିଟାଲରେ ରୋଗୀ ସଂଖ୍ୟା କମିବାରେ ଲାଗିଲାଣି। ଜିଲ୍ଲା ମୁଖ୍ୟ ଚିକିତ୍ସାଳୟ ଓ ଜ୍ୟୋତି କୋଭିଡ ହସ୍ପିଟାଲରେ ପୂର୍ବାପେକ୍ଷା ଏବେ ପ୍ରାୟ 50 ପ୍ରତିଶତ ରୋଗୀ ରହିଥିବା ଜିଲ୍ଲା ମୁଖ୍ୟ ଚିକିତ୍ସାଧିକାରୀ ସୂଚନା ଦେଇଛନ୍ତି ।
ସେହିପରି ଜିଲ୍ଲାରେ ଥିବା 3ଟି କୋଭିଡ କେୟାର ସେଣ୍ଟରରେ ମଧ୍ୟ ଏବେ ମାତ୍ର 80 ଜଣ ରୋଗୀ ଥିବା ଜିଲ୍ଲା ମୁଖ୍ୟ ଚିକିତ୍ସାଧିକାରୀ (CDMO)ସୂଚନା ଦେଇଛନ୍ତି। ଏଥିପାଇଁ ସିପେଟରେ ଥିବା କୋଭିଡ କେୟାର ସେଣ୍ଟର ବନ୍ଦ ପାଇଁ ପ୍ରଶାସନ ନିଷ୍ପତ୍ତି ନେଇଛି । ଅନ୍ୟପଟେ ଦୈନିକ ଟେଷ୍ଟିଂ ସଂଖ୍ୟା 4 ହଜାରକୁ ବୃଦ୍ଧି କରାଯାଇଛି । ସଂକ୍ରମିତଙ୍କୁ ଘରେ ରହିବା ପାଇଁ ପରାମର୍ଶ ଦିଆଯାଉଛି । ଯେଉଁମାନେ ଅଧିକ ଅସୁସ୍ଥ ହେଉଛନ୍ତି, କେବଳ ସେମାନଙ୍କୁ ହିଁ ମେଡିକାଲ ସ୍ଥାନାନ୍ତର କରାଯାଉଛି । କୋଭିଡ କେୟାର ସେଣ୍ଟର ଓ କୋଭିଡ ହସ୍ପିଟାଲରେ ସଂକ୍ରମିତଙ୍କ ସଂଖ୍ୟା କମୁଥିବାରୁ ଜିଲ୍ଲାରେ ସଂକ୍ରମଣ ହାର ମଧ୍ୟ ପୂର୍ବାପେକ୍ଷା କମ ରହିଥିବା ସିଡିଏମଓ କହିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
