ବାଲେଶ୍ୱର: ଜିଲ୍ଲାର ଖଇରା ବ୍ଲକ ଝାଟିଆ ଠାରେ ଥିବା ଗଣ୍ଡିବେଡ଼ ବିଦ୍ୟୁତ ସେକ୍ସନ ଅଫିସ ଘେରିଲେ ଉପଭୋକ୍ତା । ଟାଟା ପାୱାରର ମନମାନି ଯୋଗୁଁ ପ୍ରବଳ ଗରମରେ ବାରମ୍ବାର ଅଘୋଷିତ ବିଦ୍ୟୁତ କାଟ ସାଙ୍ଗକୁ ବିଦ୍ୟୁତ ସେବାରେ ବ୍ୟତିକ୍ରମକୁ ନେଇ ଅସନ୍ତୋଷ ବୃଦ୍ଧି ପାଇଥିଲା ।
ଅନ୍ୟପଟେ କିଛି ଗ୍ରାହକ ବିଦ୍ୟୁତ ବିଲ ଦେଇଥିଲେବି ସେମାନଙ୍କୁ ରସିଦ ଦିଆଯାଉନାହିଁ ପରବର୍ତ୍ତୀ ସମୟରେ ସେମାନଙ୍କ ଉପରେ ହଜାର ହଜାର ଟଙ୍କାର ଫାଇନ ଲଗାଯାଉଥିବା ଅଭିଯୋଗ ହୋଇଛି । ଏହାକୁ ନେଇ ଲୋକମାନେ ଅଫିସ ଘେରିବା ସହିତ ଏକ ଦାବିପତ୍ର ଦେଇଛନ୍ତି । ଆଗାମୀ ୮ଦିନ ମଧ୍ୟରେ ଏହାର ସମାଧାନ ନହେଲେ ଆନ୍ଦୋଳନ ଆହୁରି ତୀବ୍ର କରାଯିବ ବୋଲି ଚେତାବନୀ ଦିଆଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
