ବାଲେଶ୍ବର: କୋଭିଡ ସ୍ଥିତି ସମୀକ୍ଷା କରିବା ପାଇଁ ଓଡିଶା ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ବାଲେଶ୍ଵର ମେଡିକାଲରେ ପହଞ୍ଚି ସମୀକ୍ଷା କରିଛନ୍ତି । ଏହି ଟିମ ବାଲେଶ୍ଵର ଜ୍ୟୋତି କୋଭିଡ ହସ୍ପିଟାଲ ଓ ବାଲେଶ୍ଵର ମେଡିକାଲ କଲେଜ ଗସ୍ତ କରିଛନ୍ତି ।
‘ବାଲେଶ୍ବରରେ ପ୍ରତିଷ୍ଠା ହେବ 100 ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ’
ଏହାପରେ ବାଲେଶ୍ଵର ଜିଲ୍ଲାପାଳ ଓ ସିଡିଏମଓଙ୍କ ସହ କୋଭିଡ ସ୍ଥିତିକୁ ନେଇ ବାଲେଶ୍ଵର ସର୍କିଟ ହାଉସରେ ସମୀକ୍ଷା କରାଯାଇଛି । ଜ୍ୟୋତି କୋଭିଡ ହସ୍ପିଟାଲରେ ଚିକିତ୍ସା ସୁବିଧାକୁ ଅଧିକ ତ୍ବାରାନ୍ବିତ କରିବା ପାଇଁ 10 ଜଣ ନର୍ସଙ୍କ ତ୍ବରିତ ନିଯୁକ୍ତି କରାଯାଇଛି । ଏହାସହ ବାଲେଶ୍ବରରେ ଅନ୍ୟ ଏକ 100 ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଖୋଲିବା ନେଇ ସୂଚନା ଦିଆଯାଇଛି।