ବାଲେଶ୍ଵର ଷ୍ଟେସନ ଛକ ହୋଟେଲ ଆଗରୁ ସ୍କୁଟି ଚୋରି, CCTV ଫୁଟେଜ ଭାଇରାଲ

ବାଲେଶ୍ଵର ଟାଉନ ଥାନା ଅଧିନ ମାଣିଖମ୍ବ ଅଞ୍ଚଳର ସୋମନାଥ ପାଲ ବିଳମ୍ବିତ ରାତିରେ ଟ୍ରେନ ଯୋଗେ ବାଲେଶ୍ଵରରେ ପହଞ୍ଚିବା ପରେ ଷ୍ଟେସନରୁ ନିଜ ସ୍କୁଟି ନେଇ ଷ୍ଟେସନ ଛକରେ ଥିବା ଏକ ହୋଟେଲରେ ରଖିଥିଲେ । ହେଲେ ସକାଳେ ସେଠାରେ ସ୍କୁଟି ନଥିବା ଦେଖିବାକୁ ପାଇଥିଲେ । ସିସିଟିଭିରେ ଜାଣିବାକୁ ପାଇଥିଲେ ଯେ, କେହି ଜଣେ ଦୁର୍ବୃତ୍ତ ତାହା ଚୋରି କରିଛି । ଅଧିକ ପଢନ୍ତୁ

ବାଲେଶ୍ଵର: ବାଲେଶ୍ଵର ସହରରେ ଦିନକୁ ଦିନ ଛିନତାଇ ସାଙ୍ଗକୁ ବଢୁଛି ବାଇକ ଚୋରି । ସେମିତି ଏକ ହୋଟେଲ ସାମ୍ନାରୁ ସ୍କୁଟି ଚୋରି ହୋଇଥିବାର ଭିଜୁଆଲ ଏବେ ଆମର ହସ୍ତଗତ ହୋଇଛି । ସୂଚନା ଅନୁସାରେ, ଟାଉନ ଥାନା ଅଧିନ ମାଣିଖମ୍ବ ଅଞ୍ଚଳର ସୋମନାଥ ପାଲ ବିଳମ୍ବିତ ରାତିରେ ଟ୍ରେନ ଯୋଗେ ବାଲେଶ୍ଵରରେ ପହଞ୍ଚିବା ପରେ ଷ୍ଟେସନରୁ ନିଜ ସ୍କୁଟି (OD01 U 0991) ନେଇ ଷ୍ଟେସନ ଛକରେ ଥିବା ଏକ ହୋଟେଲରେ ରଖିଥିଲେ ।

ରାତି କାଟିବା ପରେ ସକାଳେ ଘରକୁ ଯିବାକୁ ବାହାରିବା ବେଳେକୁ ହୋଟେଲ ଆଗରେ ରଖିଥିବା ସ୍କୁଟି ଗାଏବ ହୋଇଯାଇଥିବା ଦେଖିବାକୁ ମିଳିଥିଲା । ଏହାପରେ ହୋଟେଲରେ ଲାଗିଥିବା ସିସିଟିଭିରୁ ଦେଖିବାକୁ ମିଳିଥିଲା ଯେ, ଜଣେ ଯୁବକ ରାତି 3ଟାରୁ ସାଢ଼େ 3ଟା ମଧ୍ୟରେ ସୋମନାଥଙ୍କ ସ୍କୁଟି ନେଇ ଚମ୍ପଟ ମାରିଛି । ଏହାପରେ ସୋମନାଥ ଥାନାରେ ଏନେଇ ଲିଖିତ ଅଭିଯୋଗ କରିଛନ୍ତି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ