ବାଲେଶ୍ଵର:ପୂର୍ବଶତ୍ରୁତାକୁ କେନ୍ଦ୍ର କରି ଜଘନ୍ୟ କାଣ୍ଡ । ଗଣ୍ଡଗୋଳରେ ଦୁଇଟି ବାଇକ ସମେତ ଗୋଟିଏ ମାରୁତି ଗାଡି ଜାଳିଦେଲେ ଆକ୍ରମଣକାରି । ଏଭଳି ଏକ ଘଟଣା ଘଟିଛି ବାଲେଶ୍ଵର ଜିଲ୍ଲା ଖଇରା ଥାନା ତୁଟ ଗ୍ରାମରେ । ଗ୍ରାମର କୈଳାସ ଜେନା, ଶଙ୍କର୍ଷଣ ଜେନା ଏବଂ ବଂଶୀଧର ଜେନାଙ୍କ ସହ ଦୀର୍ଘ ଦିନ ଧରି ଶତ୍ରୁତା ଲାଗି ରହିଥିଲା ।
ପୂର୍ବ ଶତ୍ରୁତାରୁ ଗଣ୍ଡଗୋଳ, ପୋଡି ଦେଲେ କାର ଓ ବାଇକ ସୋମବାର ବିଳମ୍ବିତ ରାତିରେ ବଂଶୀଧର ଓ ଶଙ୍କର୍ଷଣ ସହିତ ଅନ୍ୟ କିଛି ଲୋକ ହଠାତ କୈଳାସଙ୍କର ଘରେ ପଶି ଭୁଜାଲିରେ ଆକ୍ରମଣ କରିବା ସହିତ ଦୁଇଟି ବାଇକ ଓ ମାରୁତି ଗାଡିକୁ ନିଆଁ ଲଗାଇ ଜାଳି ଦେଇଥିଲେ । ତେବେ ଭୁଜାଲି ଆକ୍ରମଣରେ କୈଳାସଙ୍କ ସମ୍ପର୍କୀୟ ମନୋଜ କୁମାର ଜେନା ଗୁରୁତର ଥିବା ନେଇ ଜଣାପଡ଼ିଛି । ଏନେଇ ଖଇରା ଥାନାରେ ଅଭିଯୋଗ ପରେ ପୋଲିସର ତଦନ୍ତ ଆରମ୍ଭ ହୋଇଛି
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
