ଜଳେଶ୍ବରରୁ 7 ଲକ୍ଷର ବ୍ରାଉନ ସୁଗାର ଜବତ, ପଶ୍ଚିମବଙ୍ଗର ବେପାରି ଗିରଫ

ପୁଣି ଜଳେଶ୍ବରରୁ ଜବତ ହେଲା ଧଳା ଜହର । ପଶ୍ଚିମବଙ୍ଗରୁ ବାଲେଶ୍ବରକୁ ଚାଲାଣ କରୁଥିବା ଜଣେ ବେପାରୀଙ୍କକୁ ବି ବନ୍ଧିଲା ବଲେଶ୍ବର ପୋଲିସ । ତେବେ ଏହି ଚେର କେତେ ଦୂର ଲମ୍ବିଛି ତାହାକୁ ନେଇ ତନାଘନା ଆରମ୍ଭ ହୋଇଯାଇଛି ।

ବାଲେଶ୍ଵର: ରାଜ୍ୟରେ ବ୍ରାଉନ ସୁଗାର ବେପାର ଥମିବାରେ ନାଁ ନେଉ ନାହିଁ । ବିଶେଶ କରି ଖୋଦ୍ଧାରେ ଏହାର ବିପୁଳ କାରବାର ଚାଲୁଥିବା ବେଳେ ଏବେ ଏହା ବାଲେଶ୍ବରକୁ ବ୍ୟାପିଛି। ଗୁରୁବାର ଜଳେଶ୍ବରରୁ 70 ଗ୍ରାମ ବ୍ରାଉନ ସୁଗାର ଜବତ ହୋଇଛି । ଏହି ମାମଲାରେ ପଶ୍ଚିମବଙ୍ଗର ଜଣେ ବେପାରିଙ୍କୁ ବି ଗିରଫ କରାଯାଇଛି ।

ଜବତ ବ୍ରାଉନ ସୁଗାର ଆନୁମାନିକ ମୂଲ୍ୟ 7 ଲକ୍ଷ ଟଙ୍କା ହେବ ବୋଲି ପୋଲିସ କହିଛି । ଏହି ଧଳା ଜହର କାରବାର ପଶ୍ଚିମବଙ୍ଗରୁ ଓଡିଶାକୁ ବ୍ୟାପିବାରେ ଲାଗିଛି । ତେବେ ଏହି ଚାଲାଣରେ ଆଉ କେଉଁମାନେ ସାମିଲ ଅଛନ୍ତି ତାହାକୁ ନେଇ ପୋଲିସର ତଦନ୍ତ ଜାରି ରହିଛି ।

ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ