ଦୁଇ ପରିବାର ମଧ୍ୟରେ ରକ୍ତାକ୍ତ ସଂଘର୍ଷ, 5 ଆହତ

ବାଲେଶ୍ବର ସଦର ଥାନା ଅନ୍ତର୍ଗତ ଜୟଦେବ କସବା ଅଞ୍ଚଳରେ ଦୁଇ ପରିବାର ମଧ୍ୟରେ ସଂଘର୍ଷ ଘଟି 5 ଜଣ ଆହତ ହୋଇଛନ୍ତି ।

ବାଲେଶ୍ଵର: ଜିଲ୍ଲା ସଦର ଥାନା ଅନ୍ତର୍ଗତ ଜୟଦେବ କସବା ଅଞ୍ଚଳରେ ଦୁଇ ପରିବାର ମଧ୍ୟରେ ସଂଘର୍ଷ ଘଟି 5 ଜଣ ଆହତ ହୋଇଛନ୍ତି । ସଂଘର୍ଷରେ ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି । ମିଳିଥିବା ସୂଚନା ଅନୁସାରେ, ସେକ ଅନୱାର ଓ ପଡୋଶୀ ହମିଦଙ୍କ ମଧ୍ୟରେ ଘର ଆଗରେ ଥିବା ରାସ୍ତାକୁ ନେଇ ବିବାଦ ଲାଗି ରହିଥିଲା।

ଏହି ବିବାଦ କ୍ରମଶଃ ଉଗ୍ରରୂପ ନେଇ ଉଭୟ ପରିବାର ମଧ୍ୟରେ ଗୋଷ୍ଠୀ ସଂଘର୍ଷ ହୋଇଥିଲା। ଏଥିରେ ଗୋଟିଏ ପରିବାରର 2ଜଣ ଆହତ ହୋଇଥିବା ବେଳେ ଅନ୍ୟ ପରିବାରର 3 ଜଣ ଗୁରୁତର ହୋଇଥିବା ଜଣାପଡିଛି। ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ