ବାଲେଶ୍ଵର: ଜିଲ୍ଲାର 12ଟି ବ୍ଲକର ଅଧ୍ୟକ୍ଷ ପଦ ପାଇଁ ଆଜି (ଶନିବାର) ନିର୍ବାଚନ ହୋଇଥିବା ବେଳେ ସିମୁଳିଆ ନିର୍ବାଚନ ମଣ୍ଡଳୀର ଦୁଇଟି ଯାକ ବ୍ଲକ ଅଧ୍ୟକ୍ଷ ପଦବୀ ହାତେଇଛନ୍ତି ବିଜେପି ସମର୍ଥିତ ପ୍ରାର୍ଥୀ । ଯେଉଁଠି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀଙ୍କ ସବୁ ରଣ କୌଶଳ ଫେଲ ମାରିଛି । ତାଙ୍କ ସମର୍ଥନରେ ଛିଡା ହୋଇଥିବା ପ୍ରାର୍ଥୀମାନଙ୍କୁ ପରାଜୟ ବରଣ କରିବାକୁ ପଡିଛି । ପଞ୍ଚାୟତ ନିର୍ବାଚନରେ ବିଜେଡି ସମର୍ଥିତ ପ୍ରାର୍ଥୀଙ୍କ ସେତେଟା ଭଲ ଫଳାଫଳ ଦେଖିବାକୁ ମିଳିନଥିଲା ।
ସିମୁଳିଆ ବ୍ଲକରେ ଉଭୟ ବିଜେଡି ଓ ବିଜେପି ସମର୍ଥିତ ପ୍ରାର୍ଥୀଙ୍କ ଭୋଟ ସମାନ ହୋଇଯିବାରୁ ଶେଷରେ କାଗଜ ଗୋଳା ପଡିଥିଲା ଓ ଅଧ୍ୟକ୍ଷ ପଦ ବିଜେପି ସମର୍ଥିତ ପ୍ରାର୍ଥୀ ହାତେଇଛନ୍ତି । ପ୍ରାର୍ଥୀ ବାବାଜୀ ମଲ୍ଲିକ ନୂତନ ବ୍ଲକ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି । ସେହିପରି ଖଇରା ବ୍ଲକରେ ବିଜେପି ସମର୍ଥିତ ପ୍ରାର୍ଥୀ 20 ଭୋଟ ହାତେଇଥିବା ବେଳେ ବିଜେଡି ସମର୍ଥନରେ 17ଟି ପଡିଥିଲା । ତେଣୁ, ପ୍ରାର୍ଥୀ ପରାସ୍ତ ହୋଇଛନ୍ତି ।