ବାଲେଶ୍ବର: ମ୍ୟୁନିସିପାଲଟି ଆଗରେ ଧାରଣା ଦେଲା ବିଜେପି । ବାଲେଶ୍ବର ପୌରପାଳିକାରେ ବିପର୍ଯ୍ୟସ୍ତ ପରିମଳ ବ୍ୟବସ୍ଥା ଓ ବ୍ୟାପକ ଅନିୟମିତତା ବାବଦରେ ରାଜ୍ୟ ବିଜେପି ଯୁବମୋର୍ଚ୍ଚାର ଉପ ସଭାପତି ମାନସ କୁମାର ଦତ୍ତଙ୍କ ନେତୃତ୍ବରେ ଭାରତୀୟ ଜନତା ପାର୍ଟି, ବାଲେଶ୍ବର ମ୍ୟୁନିସିପାଲଟି ସମ୍ମୁଖରେ ଗଣଧାରଣା ଦେଇଛି।
5 ଦଫା ଦାବି ନେଇ ମୁନିସିପାଲିଟି ଆଗରେ ବିଜେପିର ଗଣଧାରଣା
ତେବେ ସହରରେ ଜଳ ନିଷ୍କାସନ, ରାସ୍ତାଘାଟ, ପିଇବା ପାଣି, ସଫେଇ ଆଦି ମୌଳିକ ବିଷୟକୁ ନେଇ ବ୍ୟାପକ ସମସ୍ୟା ଉପୁଜିଛି । ଜବରଖଲ ଓ ମରାମତି ଅଭାବରୁ ଇଂରେଜ ଅମଳରୁ ଥିବା ୪ଟି ମହାନାଳର ଚିହ୍ନବର୍ଣ୍ଣ ଏବେ ମିଳୁନାହିଁ । ସହରର ଚାରିଆଡେ କୁଢକୁଢ ଅଳିଆ। ସହରର ସମସ୍ତ ଡ୍ରେନ ପ୍ରାୟତଃ ୬୦ ରୁ ୭୦ ପ୍ରତିଶତ ଅଳିଆ ଆବର୍ଜନାରେ ପୋତି ହୋଇଯାଇଥିବା ବେଳେ ସଫେଇ ପାଇଁ କେନ୍ଦ୍ରରୁ ଆସୁଥିବା କୋଟି କୋଟି ଟଙ୍କା, ଠିକାସଂସ୍ଥା ଓ ପ୍ରଶାସନିକ ଅଧିକାରୀଙ୍କ ମଧୁ ଚନ୍ଦ୍ରିକା ଯୋଗୁଁ ବାଟମାରଣା ହେଉଥିବା ଅଭିଯୋଗ ହୋଇଛି।