ବାଲେଶ୍ଵର: ଜିଲ୍ଲାରେ ବିନା ଘୋଷଣାରେ ଘନ ଘନ ବିଦ୍ୟୁତ କାଟ ହେଉଥିବା ଅଭିଯୋଗ ହୋଇଛି । ଏହାର ପ୍ରତିବାଦ କରି ଧାରଣାକୁ ଓହ୍ଲାଇଛି ରାଜ୍ୟ ବିଜେପି ଯୁବମୋର୍ଚ୍ଚା ।
ବିଜେପି ଯୁବମୋର୍ଚ୍ଚାର ଧାରଣା
ବାଲେଶ୍ବର ମୁଖ୍ୟ ସହର ଓ କେତେକ ଅଞ୍ଚଳରେ ବିନା ଘୋଷଣାରେ ବିଦ୍ୟୁତ କାଟ ହେଉଛି । ସହରାଞ୍ଚଳରେ 24ଘଣ୍ଟାରୁ ପ୍ରାୟ 6ରୁ7 ଘଣ୍ଟା ଧରି ପାୱାର କଟ କରାଯାଉଛି । ଗ୍ରାମାଞ୍ଚଳ କଥା ନ କହିବା ଭଲ ବୋଲି କହିଛନ୍ତି ରାଜ୍ୟ ବିଜେପି ଯୁବମୋର୍ଚ୍ଚା ଉପସଭାପତି ମାନସ ଦତ୍ତ । ବତ୍ୟା ୟସ ପରେ ଜିଲ୍ଲାରେ ଖୁବ ଶୀଘ୍ର ବିଦ୍ୟୁତ ସେବା ଯୋଗାଇ ଦେବାକୁ ଶକ୍ତିମନ୍ତ୍ରୀ ପ୍ରତିଶ୍ରୁତି ଦେଇଥିଲେ । ମାତ୍ର ତାହା କେବଳ ପ୍ରତିଶ୍ରୁତିରେ ରହିଯାଇଛି । ବାତ୍ୟା ୟସକୁ 10ରୁ ଅଧିକ ଦିନ ହୋଇଥିଲେ ବି ବିଦ୍ୟୁତ ସେବା ସ୍ବଭାବିକ ହୋଇନାହିଁ । ରାଜ୍ୟ ସରକାରଙ୍କର ଏହି ବ୍ୟବସ୍ଥାରୁ ନିନ୍ଦା କରିଛି ବିଜେପି ଯୁବ ମୋର୍ଚ୍ଚା ।