ବାଲେଶ୍ବର:ପଞ୍ଚାୟତ ନିର୍ବାଚନକୁ ନେଇ ସରଗରମ ଗାଁଠୁ ସହର । ଜମିଲାଣି ପ୍ରଚାର ମଇଦାନ । ମାଳମାଳ ପ୍ରତିଶୃତିର ପାହାଡ ନେଇ ଗାଁକୁ ଛୁଟୁଛି ନେତାଙ୍କ ସୁଅ । ବିଭିନ୍ନ ସମସ୍ୟାର ସମାଧାନ ପ୍ରତିଶୃତି ଦିଆଯାଉଥିବା ବେଳେ ନିର୍ବାଚନ ସରିଲେ ପ୍ରତିଶୃତିକୁ ଯେମିତି ଭୁଲି ଯାଉଛନ୍ତି ନେତା । ନା ସମସ୍ୟା ଦୂର ହେଉଛି ନା ନେତାଙ୍କ ପ୍ରତିଶୃତି ରହୁଛି । ଫଳରେ ଚଳିତ ପଞ୍ଚାୟତ ନିର୍ବାଚନରେ ଭୋଟ ବର୍ଜନ ନିଷ୍ପତ୍ତି ନେଇଛନ୍ତି ଜିଲ୍ଲାର ବାହାନଗା ବ୍ଲକ କସବା ଜୟପୁର ପଞ୍ଚାୟତର ବରପଦା ଗ୍ରାମବାସୀ ।
ନେତାଙ୍କ ପ୍ରତିଶୃତି ପାଣିରଗାର, ଭୋଟ ବର୍ଜନ ନିଷ୍ପତ୍ତି ନେଲେ ବରପଦା ଗାଁ ଲୋକେ
ଗାଁ ମୁଣ୍ଡରେ ବସିବା ସହ ଗାଁକୁ କେହି ନେତା ଆସିଲେ ପଶିବାକୁ ଦେବେନାହିଁ ବୋଲି କହିଛନ୍ତି । କାହିଁକି ନା ନେତାମାନେ କେବଳ ନିର୍ବାଚନ ବେଳେ ଆସୁଛନ୍ତି ଆଉ ପ୍ରତିଶ୍ରୁତି ଦେଇ ଚାଲିଯାଉଛନ୍ତି। ପୁଣି ଜିତିବା ପରେ ଯେଉଁ କଥାକୁ ସେହିକଥା। ଗାଁ ର ସମସ୍ୟା ଯେମିତିକୁ ସେମିତି। ବୋଲି କହିଛନ୍ତି ସ୍ଥାନୀୟ ଲୋକେ ।