କାର୍ଯ୍ୟରେ ଅବହେଳା ପାଇଁ 3 ପୋଲିସ ନିଲମ୍ବିତ

ନାବାଳିକା ଅପହରଣ ଘଟଣାରେ ଗିରଫ ଅଭିଯୁକ୍ତ ପୋଲିସ ହାତରୁ ଚମ୍ପଟ ମାରିବା ଘଟଣାରେ 3 ପୋଲିସ କର୍ମଚାରୀଙ୍କୁ ନିଲମ୍ବିତ କଲେ ବାଲେଶ୍ବର ଏସ୍‌ପି। ଅଧିକ ପଢନ୍ତୁ...

ବାଲେଶ୍ଵର: ନିଲମ୍ବିତ ହେଲେ ତିନି ପୋଲିସ୍ । ଜିଲ୍ଲାର କମର୍ଦା ଥାନା ଅଞ୍ଚଳରେ ନାବାଳିକା ଅପହରଣ ଘଟଣାରେ ଗିରଫ ଅଭିଯୁକ୍ତ ପୋଲିସ ହାତରୁ ଚମ୍ପଟ ମାରିବା ଘଟଣାରେ 3 ପୋଲିସ କର୍ମଚାରୀଙ୍କୁ ନିଲମ୍ବିତ କଲେ ବାଲେଶ୍ବର ଏସ୍‌ପି । ନିଲମ୍ବିତ କମର୍ଦା ଥାନାର ଏସ୍ଆଇ ଭକ୍ତ ହରି ପଟ୍ଟନାୟକ, ହାବିଲଦାର ଅରୁଣ କୁମାର ଧଳ ଏବଂ କନେଷ୍ଟବଳ ମମତା ପାତ୍ର ।

ସୂଚନା ଅନୁଯାୟୀ, ନହାର ଅଞ୍ଚଳର ଜନୈକ ଅପରେଟର ଭାବେ ଉତ୍ତରପ୍ରଦେଶର ଏକ ଯୁବକ କାର୍ଯ୍ୟ କରୁଥିଲେ। ନହରା ଗ୍ରାମର ଜନୈକ ନାବାଳିକାକୁ ଅପହରଣ କରି ଉତ୍ତରପ୍ରଦେଶ ନେଇଯାଇଥିଲା । ତେବେ ଏନେଇ ନାବାଳିକାର ପରିବାର ଲୋକେ କମର୍ଦ୍ଦା ଥାନରେ ଏକ ମାମଲା ରୁଜୁ କରିଥିଲେ । ଉତ୍ତର ପ୍ରଦେଶକୁ କମର୍ଦ୍ଦା ପୋଲିସ୍ ତରଫରୁ 3 ଜଣିଆ ଟିମ୍‌ ଯାଇ ସେଠାକାର ସ୍ଥାନୀୟ ପୋଲିସ୍ ସହାୟତାରେ ଗିରଫ କରି ଆଣିବା ସମୟରେ ଅଭିଯୁକ୍ତ ଯୁବକ ଜଣକ ପୋଲିସକୁ ଚକ୍‌ମା ଦେଇ ଖସି ଯାଇଥିଲେ । ତେବେ କାର୍ଯ୍ୟରେ ଅବହେଳା ଦର୍ଶାଇ ବାଲେଶ୍ବର ଏସ୍‌ପି ତିନିଜଣଙ୍କୁ ନିଲମ୍ବିତ କରିଛନ୍ତି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ