ଗାଡି ଚୋରକୁ ନିସ୍ତୁକ ଛେଚିଲେ ଗ୍ରାମବାସୀ

ବାଲେଶ୍ଵର ଜିଲ୍ଲା ଖନ୍ତାପଡା ଥାନା ଶ୍ରୀଜଙ୍ଗ ବଜାରରେ ଭୋର ସମୟରେ ଜଣେ ବାଇକ ଚୋରକୁ କାବୁ କରି ଗ୍ରାମବାସୀ ଉତ୍ତମ ମଧ୍ୟମ ଦେଇ ପୋଲିସରେ ଜିମା ଦେଇଥିବା ଜଣାପଡିଛି । ଅଧିକ ପଢନ୍ତୁ...

ବାଲେଶ୍ଵର: ଖନ୍ତାପଡା ଥାନା ଶ୍ରୀଜଙ୍ଗ ବଜାରରେ ଭୋର ସମୟରେ ଜଣେ ବାଇକ ଚୋରକୁ କାବୁ କରି ଗ୍ରାମବାସୀ ଉତ୍ତମ ମଧ୍ୟମ ଦେଇ ପୋଲିସରେ ଜିମା ଦେଇଥିବା ଜଣାପଡିଛି ।

ସୂଚନା ଅନୁସାରେ, ଶ୍ରୀଜଙ୍ଗ ବଜାରରେ ଥିବା ଏକ ବରଫ କଳ ସମ୍ମୁଖରୁ ଏକ ବାଇକର ଚାବି ଭାଙ୍ଗି ଚୋରି ଉଦ୍ୟମ କରିବାବେଳେ ଶବ୍ଦ ଶୁଣି ଗାଡି ମାଲିକ ଉଠି ସ୍ଥାନୀୟ ଲୋକଙ୍କ ସାହାଯ୍ୟରେ ଚୋରକୁ ବାନ୍ଧି ନିସ୍ତୁକ ମାଡ଼ ମାରିଥିଲେ ।

ଖବରପାଇ ଖନ୍ତାପଡା ପୋଲିସ ଶ୍ରୀଜଙ୍ଗ ବଜାରରେ ପହଞ୍ଚି ଚୋରି କରୁଥିବା ଯୁବକଙ୍କୁ ଥାନାକୁ ଆଣିଥିଲା । ଏହାସହ ଚୋର ଆଣିଥିବା ସ୍କୁଟିରୁ ମାରଣାସ୍ତ୍ର ଜବତ ହୋଇଥିବାବେଳେ ଦୁଇ ସହଯୋଗୀ ଫେରାର ହୋଇଯାଇଥିବା ଜଣାପଡିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ