ବାଲେଶ୍ଵର: ୫ ଏଟିଏମ୍ ଲୁଟେରା ଗିରଫ କରିବାରେ ସଫଳ ହୋଇଛି ବାଲେଶ୍ବର ଶିଳ୍ପାଞ୍ଚଳ ଥାନା ପୋଲିସ । ସେମାନଙ୍କ ନିକଟରୁ ଟଙ୍କା ଓ ବିଭିନ୍ନ ବ୍ୟାଙ୍କର ଏଟିଏମ ଜବତ ସହ ଏକ କାର ଜବତ କରାଯାଇଛି । ସୂଚନା ଅନୁସାରେ, ଶିଳ୍ପାଞ୍ଚଳ ଥାନା ପୋଲିସ ପାଟ୍ରୋଲିଂ କରୁଥିବା ବେଳେ କିଛି ଯୁବକ ଏଟିଏମ ନିକଟରେ ସନ୍ଦେହ ଜନକ ଅବସ୍ଥାରେ ଠିଆ ହୋଇଥିଲେ। ପୋଲିସର ସନ୍ଦେହ ହେବାରୁ ସେମାନଙ୍କ ନିକଟକୁ ଯିବା ବେଳେ ସେମାନେ କାରରେ ବସି ଫେରାର ହେବାକୁ ଚେଷ୍ଟା କରିଥିଲେ। ପୋଲିସ ସେମାନଙ୍କୁ ପିଛା କରି ସୋର ତଳନଗର ନିକଟରେ କାବୁ କରିବାରେ ସଫଳ ହୋଇଥିଲା।
୫ ଏଟିଏମ୍ ଲୁଟେରାଙ୍କୁ ଗିରଫ କଲା ବାଲେଶ୍ବର ପୋଲିସ
ସେମାନଙ୍କୁ ପଚରାଉଚରା ପରେ ସେମାନେ ବିଭିନ୍ନ ବ୍ୟାଙ୍କର ଏଟିଏମ କାର୍ଡ ସାଙ୍ଗମାନଙ୍କ ପାଖରୁ ସଂଗ୍ରହ କରି ସେଥିରୁ ଟଙ୍କା ଉଠାଇବା ବେଳକୁ ଏଟିଏମ ମେସିନରେ କୌଶଳ ମୁତାବକ ଟଙ୍କା ବାହାର କରିଥାନ୍ତି। ପରେ ପୁଣି ଟଙ୍କା ଫେରସ୍ତ ପାଇଁ ବ୍ୟାଙ୍କକୁ ଫୋନ କରି କହିବା ପରେ 7 ଦିନ ଭିତରେ ଟଙ୍କା ଫେରସ୍ତ ହୋଇଥାଏ ବୋଲି କହିଛି ପୋଲିସ ।