ବାଲେଶ୍ବର: ମୋଦିଙ୍କ ମନ୍ତ୍ରୀ ମଣ୍ଡଳରେ ସାମିଲ ହୋଇପାରନ୍ତି ବାଲେଶ୍ବର ସାଂସଦ ପ୍ରତାପ ଚନ୍ଦ୍ର ଷଡଙ୍ଗୀ । ମନ୍ତ୍ରୀ ମଣ୍ଡଳରେ ସାମିଲ ହେବା ପାଇଁ ପିଏମଓରୁ ଫୋନ କଲ ଆସିବା ପରେ ଉତ୍ସବମୁଖର ହୋଇଉଠିଛି ବାଲେଶ୍ବର ସହର । ପ୍ରତାପଙ୍କ ସମର୍ଥକମାନେ ବାଣ ଫୁଟାଇ, ମିଠା ବାଣ୍ଟି ସେଲିବ୍ରେସନ କରିବା ଆରମ୍ଭ କରି ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଚଳିତ ଥର ପ୍ରଥମ ଥର ବାଲେଶ୍ବରରୁ ସାଂସଦ ଭାବେ ନିର୍ବାଚିତ ହୋଇଛନ୍ତି ପ୍ରତାପ ଚନ୍ଦ୍ର ଷଡଙ୍ଗୀ । ସାଂସଦ ହେବା ପରେ ତାଙ୍କୁ ନେଇ ରାଜ୍ୟ ତଥା ରାଜ୍ୟ ବାହାରେ ଜୋରଦାର ଚର୍ଚ୍ଚା ଚାଲିଛି । ଜଣେ ସାଂସଦ ହୋଇବି ନିରାଡମ୍ବର ଜୀବନଯାପନ ଶୈଳୀ ପାଇଁ ଜାତୀୟ ଗଣମାଧ୍ୟମରେ ତାଙ୍କୁ ନେଇ ଖୁବ୍ ଚର୍ଚ୍ଚା କରାଯାଇଛି ।