ବାଲେଶ୍ଵର: ବିଧବା ମହିଳାଙ୍କୁ ଗୃହରକ୍ଷୀଙ୍କ ଦୁଷ୍କର୍ମ ଉଦ୍ୟମ ଅଭିଯୋଗ । ବାଲେଶ୍ଵର ଜିଲ୍ଲା ଖଇରା ଥାନାରେ ଜଣେ କାର୍ଯ୍ୟରତ ଗୃହରକ୍ଷୀଙ୍କ ବିରୋଧରେ ଏଭଳି ସଙ୍ଗୀନ ଅଭିଯୋଗ ଆସିଛି । ଉପାୟ ନପାଇ ସମ୍ପୃକ୍ତ ଗୃହରକ୍ଷୀଙ୍କୁ କଟୁରିରେ ଆକ୍ରମଣ କରି ମହିଳା ଥାନାରେ ପହଞ୍ଚିଥିଲେ । ତେବେ ଗୁରୁତର ହୋଇ ଗୃହରକ୍ଷୀ ଫେରାର ହୋଇଯାଇଛନ୍ତି ।
ବିଧବା ମହିଳାଙ୍କୁ ଅସଦାଚରଣ ଅଭିଯୋଗ, ଗୃହରକ୍ଷୀଙ୍କୁ କଟୁରିରେ ଆକ୍ରମଣ କଲେ ମହିଳା
ଅଭିଯୋଗ ଅନୁସାରେ ଖଇରା ଥାନା କଇଥଗଡ଼ିଆ ଅଞ୍ଚଳର ଜନୈକା ବିଧବା ମହିଳା ଘରେ ଏକୁଟିଆ ଥିବାବେଳେ ଖଇରା ଥାନାରେ କାର୍ଯ୍ୟରତ ଗୃହରକ୍ଷୀ ପୂର୍ଣ୍ଣଚନ୍ଦ୍ର ଦାସ ତାଙ୍କ ଘରକୁ ଯାଇ ଜୋରଜବରଦସ୍ତ ଦୁଷ୍କର୍ମ ଉଦ୍ୟମ କରିଥିଲେ । କୌଣସି ଉପାୟ ନପାଇ ବିଧବା ମହିଳା ଜଣଙ୍କ ଏକ କଟୁରିରେ ପୂର୍ଣ୍ଣଚନ୍ଦ୍ରଙ୍କୁ ଆକ୍ରମଣ କରିଥିଲେ । ଏଥିରେ ପୂର୍ଣ୍ଣଚନ୍ଦ୍ର ଗୁରୁତର ହୋଇଯାଇଥିଲେ ।