ଅବକାରୀ ବିଭାଗର ଚଢାଉ, 52 କେଜି ଗଞ୍ଜେଇ ଜବତ

ବାଲେଶ୍ୱର ଅବକାରୀ ବିଭାଗ ପକ୍ଷରୁ ଜଳେଶ୍ବର ପଥରପୁରା ଅଞ୍ଚଳରେ ଚଢ଼ାଉ । ୫୨ କେଜି ଗଞ୍ଜେଇ ଜବତ କରାଯିବା ସହ ଜଣକୁ ଗିରଫ କରାଯାଇଛି । ଅଧିକ ପଢନ୍ତୁ...

ବାଲେଶ୍ୱର: ବାଲେଶ୍ୱର ଅବକାରୀ ବିଭାଗ ପକ୍ଷରୁ ଜଳେଶ୍ବର ପଥରପୁରା ଅଞ୍ଚଳରେ ଚଢ଼ାଉ କରାଯାଇ ବିପୁଳ ପରିମାଣର ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରାଯାଇଛି ।

ଗତ କିଛିଦିନ ଧରି ଜିଲ୍ଲାରେ ନକଲି ମଦ ସାଙ୍ଗକୁ ଗଞ୍ଜେଇ ଚାଲାଣ ବେଶ ବୃଦ୍ଧି ପାଇଥିଲା । ଏହାକୁ ଦୃଷ୍ଟିରେ ରଖି ଅବକାରୀ ବିଭାଗ ପୂର୍ବ ସୂଚନା ଅନୁଯାୟୀ ପଥରପୁରା ଅଞ୍ଚଳରେ ଚଢ଼ାଉ କରିଥିଲା । ଚଢ଼ାଉ ବେଳେ ୫୨ କେଜି ଗଞ୍ଜେଇ ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ୪ ଲକ୍ଷ ଟଙ୍କା ହେବ ବୋଲି କୁହାଯାଉଛି । ଗଞ୍ଜେଇ ବେପାରରେ ସମ୍ପୃକ୍ତ ସେଖ କମଲ ଉଦ୍ଦିନଙ୍କୁ ଗିରଫ କରାଯାଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ