ସରିଲା ବାଲେଶ୍ଵର ବାର ନିର୍ବାଚନ

ବାଲେଶ୍ବର ବାର ଆସୋସିଏସନରେ ନିର୍ବାଚନ ପ୍ରକ୍ରିୟା ଶେଷ ହୋଇଛି । 39 ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ 1084 ଭୋଟର ।

ବାଲେଶ୍ବର: ବାର ଆସୋସିଏସନରେ ନିର୍ବାଚନ ପ୍ରକ୍ରିୟା ଶେଷ ହୋଇଛି । ଏହି ନିର୍ବାଚନ ପ୍ରତି ତିନି ବର୍ଷକୁ ଥରେ ହେଉଥିବାବେଳେ ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ ଚଳିତ ବର୍ଷଠାରୁ ପ୍ରତିବର୍ଷ ନିର୍ବାଚନ ହେବ।

ଏହି ପରିପ୍ରେକ୍ଷୀରେ ବାଲେଶ୍ଵର ବାରରେ ସଭାପତି, ଉପସଭାପତି, ସମ୍ପାଦକ ଓ ଟ୍ରେଜରର ଭଳି ପ୍ରମୁଖ ପଦବୀ ପାଇଁ 39 ଜଣ ପ୍ରାର୍ଥୀ ନିର୍ବାଚନ ଲଢ଼ୁଛନ୍ତି। 39 ଜଣ ପ୍ରାର୍ଥୀଙ୍କ ଭାଗ୍ୟ 1084 ଜଣ ଭୋଟର ନିର୍ଦ୍ଧାରଣ କରିବେ। ଦୁଇଟି ବାରରେ 11ଟି ବୁଥରେ ମତଦାନ ହୋଇଥିବାବେଳେ ସକାଳ 8ଟାରୁ ଅପରାହ୍ନ 4 ଟା ଯାଏଁ ମତଦାନ ଚାଲିଥିଲା ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ