ତହସିଲଦାର ଓ ଯୁବକଙ୍କ ଯୁକ୍ତିତର୍କ, ଭିଡିଓ ଭାଇରାଲ

ବାଲେଶ୍ବର ସଦର ତହସିଲଦାର ଓ ଜଣେ ଯୁବକଙ୍କ ମଧ୍ୟରେ ଯୁକ୍ତିତର୍କ । ସୋସିଆଲ ମିଡିଆରେ ଭିଡିଓ ବେଶ ଭାଇରାଲ ହେବାରେ ଲାଗିଛି । ଅଧିକ ପଢନ୍ତୁ...

ବାଲେଶ୍ଵର: ତହସିଲଦାର ଓ ଯୁବକଙ୍କ ଯୁକ୍ତିତର୍କ ଭିଡିଓ ଭାଇରାଲ । ବାଲେଶ୍ବର ସଦର ତହସିଲଦାର ଓ ଜଣେ ଯୁବକଙ୍କ ମଧ୍ୟରେ ଯୁକ୍ତିତର୍କର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଭିଡ଼ିଓରେ ଦୃଶ୍ୟମାନ ହେଉଥିବା କିଛି ଦୃଶ୍ୟ ଅନୁସାରେ, ବାଲେଶ୍ବର ସଦର ତହସିଲଦାର ପଞ୍ଚାନନ ପାତ୍ର ଓ ତାଙ୍କ ଟିମ ମାସ୍କ ଚେକିଂ ପାଇଁ ସହରର ବିଭିନ୍ନ ଅଞ୍ଚଳରେ ଯାଞ୍ଚ କରୁଛନ୍ତି । ସହରର ବାରବାଟୀ ଅଞ୍ଚଳରେ ମାସ୍କ ଚେକିଂ କରୁଥିବା ବେଳେ ଜଣେ ଯୁବକ ତହସିଲଦାରଙ୍କୁ ଧମକ ଚମକ ଦେଉଥିବା ଦେଖିବାକୁ ମିଳିଛି ।

ଅନ୍ୟପଟେ ତହସିଲଦାର ଯୁବକମାନଙ୍କୁ ମଧ୍ୟ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି । ତେବେ ପୂର୍ବରୁ ଅନେକ ଥର ତହସିଲଦାର ନିଜ ବ୍ୟବହାରକୁ ନେଇ ବିବାଦରେ ରହି ଆସିଥିବା ବେଳେ ଏହି ଘଟଣା ଏବେ ଥାନାରେ ପହଞ୍ଚିଛି। ଏନେଇ ତହସିଲଦାରଙ୍କୁ ଯୋଗାଯୋଗ ସମ୍ଭବ ହୋଇପାରି ନାହିଁ।

ବାଲେଶ୍ବରରରୁ ଜୀବନଜ୍ୟୋତି ନାୟକ,ଇଟିଭି ଭାରତ