ପାହାଡ଼ ତଳକୁ ଖସିଲା ଅଟୋ, ଡ୍ରାଇଭର ମୃତ

ଖଇରା ଥାନା ଅନ୍ତର୍ଗତ ଶାରୀଶୁଆ ପାହାଡ଼ ଉପରୁ ଅଟୋ ଭାରସାମ୍ୟ ହରାଇ ତଳକୁ ଖସିଲା ଡ୍ରାଇଭର ମୃତ । ଘଟଣାସ୍ଥଳରେ ପୋଲିସ ପହଞ୍ଚି ଦୁର୍ଘଟଣାଗ୍ରସ୍ତ ଅଟୋ ଜବତ କରିବା ସହ ଜଣଙ୍କୁ ଅଟକ ରଖିଛି । ଅଧିକ ପଢନ୍ତୁ...

ବାଲେଶ୍ଵର: ପାହାଡ ତଳକୁ ଖସି ପଡ଼ିଲା ଅଟୋ । ଘଟଣାସ୍ଥଳରେ ଡ୍ରାଇଭରର ମୃତ୍ୟୁ ହୋଇଥିବା ବେଳେ ପୋଲିସ ଜଣଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି।

ସୂଚନା ଅନୁଯାୟୀ ଭଦ୍ରକ ଅଞ୍ଚଳର ଚନ୍ଦନ ଜେନା ବାଲେଶ୍ବର ଜିଲ୍ଲା ଖଇରା ଥାନା ଅନ୍ତର୍ଗତ ଶାରୀଶୁଆ ପାହାଡ଼ ଉପରକୁ ଅଟୋ ଭଡ଼ାରେ ଯାଇଥିଲେ । ସେଠାରୁ କୁପାରି ଫେରୁଥିବା ବେଳେ ଅଟୋ ଭାରସାମ୍ୟ ହରାଇ ପାହାଡ଼ ତଳକୁ ଖସି ପଡ଼ିଥିଲା । ଫଳରେ ଘଟଣାସ୍ଥଳରେ ଅଟୋ ଚାଳକ ଚନ୍ଦନଙ୍କ ମୃତ୍ୟୁ ହୋଇଥିଲା । ଖଇରା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଅଟୋ ଜବତ କରିବା ସହ ଜଣଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ,ଇଟିଭି ଭାରତ