ଜମିଜମା ବିବାଦରୁ ମହିଳାଙ୍କୁ ମରଣାନ୍ତକ ଆକ୍ରମଣ

ବାଲେଶ୍ବର ହାତୀଆଗଣ୍ଡ ଗ୍ରାମରେ ଜମିଜମା ବିବାଦକୁ କେନ୍ଦ୍ରକରି ମହିଳାଙ୍କୁ ମରଣାନ୍ତକ ଆକ୍ରମଣ । ଅଧିକ ପଢନ୍ତୁ...

ବାଲେଶ୍ଵର:ଜମିଜମା ବିବାଦକୁ କେନ୍ଦ୍ରକରି ମହିଳାଙ୍କୁ ମରଣାନ୍ତକ ଆକ୍ରମଣ ଅଭିଯୋଗ । ବାଲେଶ୍ବର ରେମୁଣା ଥାନା ପତ୍ରିପାଳ ପଞ୍ଚାୟତ ଅଧିନ ହାତୀଆଗଣ୍ଡ ଗ୍ରାମରେ ଘଟିଛି ଏହି ଅଭାବନୀୟ ଘଟଣା । ଆହତ ମହିଳା ଗ୍ରାମର ଅବନ୍ତୀ ଦାସ ।

ସୂଚନା ଅନୁସାରେ, ଗତ ୧୭ ତାରିଖରେ ମାଟି ଉଠାକୁ ନେଇ ହାତୀଆଗଣ୍ଡ ଗ୍ରାମର ମାଧବ ଦାସ ଓ ବିମଳ ଦାସଙ୍କ ମଧ୍ୟରେ ବଚସା ହୋଇଥିଲା । ଏହାକୁ ନେଇ ମାଧବଙ୍କ ପରିବାର ବିମଳଙ୍କ ଦଖଲରେ ଥିବା କିଛି ଜମିକୁ ନିଜର ବୋଲି ଦାବି କରିଥିଲେ । ପରେ ବିମଳଙ୍କ ଘରବାଡ଼ିର ଜମିରେ ଥିବା ଗୁଆ ଗଛ ସମେତ କିଛି ଫଳ ଗଛକୁ ମାଧବ ଦାସ ଏବଂ ତାଙ୍କ ଭାଇମାନେ ଜୋର ଜବରଦସ୍ତ ହାଣି ଦେଇଥିଲେ । ଏହାକୁ ନେଇ ବିମଳଙ୍କ ସ୍ତ୍ରୀ ଅବନ୍ତୀ ପ୍ରତିବାଦ କରିବାରୁ ମାଧବ ତାଙ୍କୁ ନିସ୍ତୁକ ମାଡ଼ ମାରିଥିବା ଥାନାରେ ଅଭିଯୋଗ ହୋଇଛି । ଏନେଇ ଥାନାରେ ଦୁଇଟି ମାମଲା ରୁଜୁ ହୋଇଥିବା ଜଣାପଡ଼ିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ