ବାଲେଶ୍ବରରେ ଓଲଟିଲା ପ୍ରବାସୀ ଶ୍ରମିକ ବସ, 4 ଗୁରୁତର

କେରଳରୁ 50 ଜଣ ପ୍ରବାସୀଙ୍କୁ ନେଇ ହାସନ ନାମକ ଏକ ବସ କୋଲକାତା ଅଭିମୁଖେ ଯାଉଥିଲା । ଲକ୍ଷ୍ମଣନାଥ ତନଖି ଫାଟକ ନିକଟରେ ବସଟି ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡିଛି ।

ବାଲେଶ୍ବର: ପୁଣି ପ୍ରବାସୀ ଶ୍ରମିକ ବସ ଦୁର୍ଘଟଣାଗ୍ରସ୍ତ । ବାଲେଶ୍ଵର ଜିଲ୍ଲା ଲକ୍ଷ୍ମଣନାଥ ତନଖି ଫାଟକ ନିକଟରେ ପ୍ରବାସୀଙ୍କୁ ନେଇ କୋଲକାତା ଯାଉଥିବା ଏକ ବସ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ 4 ଜଣ ପ୍ରବାସୀ ଗୁରୁତର ହୋଇଥିବା ଜଣାପଡିଛି ।

ସୂଚନାନୁସାରେ, କେରଳରୁ 50 ଜଣ ପ୍ରବାସୀଙ୍କୁ ନେଇ ହାସନ ନାମକ ଏକ ବସ କୋଲକାତା ଅଭିମୁଖେ ଯାଉଥିଲା । ଲକ୍ଷ୍ମଣନାଥ ତନଖି ଫାଟକ ନିକଟରେ ବସଟି ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡିଥିଲା । ଏଥିରେ 4ଜଣ ପ୍ରବାସୀ ଗୁରୁତର ଭାବେ ଆହତ ହୋଇଛନ୍ତି । ଆହତମାନଙ୍କୁ ଜଳେଶ୍ବର ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ