ବାଲେଶ୍ବର: କୋରୋନା ମହାମାରୀ ଭିତରେ ସରିଛି ରାଜ୍ୟର 2ଟି ବିଧାନସଭା ପାଇଁ ଭୋଟଗ୍ରହଣ । ଆଉ ଇଭିଏମ ମେସିନରେ ସିଲ ହୋଇସାରିଛି ପ୍ରାର୍ଥୀଙ୍କ ଭାଗ୍ୟ । ଏହାରି ମଧ୍ୟରେ ବାଲେଶ୍ଵର ସଦର ଉପନିର୍ବାଚନ ପାଇଁ ଗତକାଲି(ମଙ୍ଗଳବାର) ଭୋଟପଡି ସାରିଥିବାବେଳେ ଏବେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଭିତରେ ଇଭିଏମ ଗୁଡିକୁ ଷ୍ଟ୍ରଙ୍ଗରୁମରେ ରଖାଯାଇଛି ।
ଏବେ ତ୍ରିସ୍ତରୀୟ ସୁରକ୍ଷାରେ ଇଭିଏମ
ଭୋଟଗ୍ରହଣ ପରେ 346 ବୁଥରୁ ଇଭିଏମ ଆସି ଷ୍ଟ୍ରଙ୍ଗରୁମରେ ସୁରକ୍ଷିତ ଭାବେ ରଖାଯାଇଛି । ନଭେମ୍ବର 3ରେ ହୋଇଥିବା ବାଲେଶ୍ଵର ସଦର ଉପନିର୍ବାଚନ ପାଇଁ ଭୋଟଗ୍ରହଣରେ ବାଲେଶ୍ଵରବାସୀ ଏବେ ବାଛିସାରିଛନ୍ତି ସେମାନଙ୍କ ନେତା । ଇଭିଏମରେ କଏଦ ହୋଇଛି ପ୍ରାର୍ଥୀଙ୍କ ଭାଗ୍ୟ ।