ବାଲେଶ୍ବର: ବାଲେଶ୍ଵର ସଦର ଉପ ନିର୍ବାଚନ ପାଇଁ ବିଜେଡି ବିଧାୟକ ପ୍ରାର୍ଥୀ ନାମ ଘୋଷଣା କରିଛି। ସ୍ବରୂପ ଦାସଙ୍କ ନାମ ଦଳ ଘୋଷଣା କରିଥିବାବେଳେ ଏହାକୁ କର୍ମୀମାନେ ସହଜରେ ହଜମ କରି ପାରୁ ନାହାଁନ୍ତି । ଦଳର କର୍ମୀମାନେ ପୂର୍ବତନ ସାଂସଦ ରବୀନ୍ଦ୍ର ଜେନା ଓ ସୁବାସିନୀ ଜେନାଙ୍କୁ ପ୍ରାର୍ଥୀ ଭାବେ ଦେଖିବାକୁ ଚାହୁଁଥିଲେ। ମାତ୍ର ଦଳ ସ୍ବରୂପ ଦାସଙ୍କ ନାମ ଘୋଷଣା କରିବା ପରେ ଏବେ ବିରୋଧର ସ୍ବର ଉଠିବାରେ ଲାଗିଛି।
ବାଲେଶ୍ଵର ଉପ ନିର୍ବାଚନ; ସ୍ବରୂପ ଦାସଙ୍କ ନା ଘୋଷଣା ପରେ ତେଜିଲା ଅସନ୍ତୋଷ
ଓଡିଶା ମୋ ପରିବାରର ବାଲେଶ୍ଵର ଜିଲ୍ଲା ସଂଯୋଜକ ସାହିରୂଲ ହକ ଦଳର ନିଷ୍ପତ୍ତିକୁ ନେଇ ପ୍ରତିକ୍ରୟାଶୀଳ ହୋଇଛନ୍ତି। ଦଳର ନିଷ୍ପତ୍ତିକୁ ବିରୋଧ କରି ସେ ସଂଯୋଜକ ପଦରୁ ଇସ୍ତଫା ଦେଇଛନ୍ତି। ଏମିତିକି ବିଜେଡି ସହିତ ଆଉ କୌଣସି କାର୍ଯ୍ୟରେ ସାମିଲ ହେବେ ନାହିଁ ବୋଲି ସିଧାସଳଖ କହିଛନ୍ତି। ତେବେ ପୂର୍ବତନ ସାଂସଦ ରବୀନ୍ଦ୍ର ଜେନାଙ୍କୁ ଦଳ ଉପେକ୍ଷିତ କରିଥିବା ଦଳୀୟ ମହଲରୁ ସ୍ବର ଉଠୁଥିବା ଦେଖିବାକୁ ମିଳିଛି ।