ବାଲେଶ୍ବର: ବକେୟା ବିଦ୍ୟୁତ ବିଲ ପୈଠ କରିନଥିବା ଗ୍ରାହକଙ୍କ ବିଦ୍ୟୁତ ସଂଯୋଗ ବିଚ୍ଛିନ୍ନ ଆରମ୍ଭ କରିଛି ନେସ୍କୋ । 16 ତାରିଖରୁ ଜିଲ୍ଲାର ବିଭିନ୍ନ ସ୍ଥାନରେ ବିଦ୍ୟୁତ ସଂଯୋଗ କାଟିବା ପାଇଁ ନେସ୍କୋ କର୍ତ୍ତୃପକ୍ଷ ନିଷ୍ପତ୍ତି ନେଇଥିଲେ ।
ବିଲ ପୈଠ କରିନଥିବା ଗ୍ରାହକମାନଙ୍କ ବିଦ୍ୟୁତ ସଂଯୋଗ କାଟ ଆରମ୍ଭ
ବକେୟା ଥିବା ଗ୍ରାହକମାନଙ୍କ ତାଲିକା ଧରି ନେସ୍କୋ କର୍ମଚାରୀମାନେ ବିଦ୍ୟୁତ ସଂଯୋଗ କାଟୁଥିବା ଦେଖିବାକୁ ମିଳିଛି । 6ଟି ବକେୟା ବିଦ୍ୟୁତ ବିଲ ଆଦାୟ ସ୍କ୍ବାର୍ଡ ବିଭିନ୍ନ ସ୍ଥାନରେ ସଂଯୋଗ ବିଚ୍ଛିନ୍ନ କରୁଛନ୍ତି । ବିଦ୍ୟୁତ ସଂଯୋଗ କାଟିବା ସମୟରେ ଯେଉଁମାନେ ବକେୟା ବିଲ୍ ର 50 ପ୍ରତିଶତ ଦେଉଛନ୍ତି ସେମାନଙ୍କୁ ସମୟ ଦିଆଯାଇ ଲାଇନ କଟାଯାଉ ନାହିଁ । ବକେୟା ବିଲ 5 ହଜାରରୁ ଅଧିକ ଥିବା ଗ୍ରାହକମାନଙ୍କର ଲାଇନ କାଟୁଥିବା ଜଣାପଡିଛି । ଏହି ପ୍ରକ୍ରିୟା ଆସନ୍ତା ମାର୍ଚ୍ଚ ମାସ ଯାଏଁ ଚାଲୁ ରହିବ ବୋଲି ସୂଚନା ମିଳିଛି । ପ୍ରଥମ ପର୍ଯ୍ୟାୟରେ ଘରୋଇ ଓ ପରେ ବ୍ୟବସାୟ ପ୍ରତିଷ୍ଠାନ ଓ କମ୍ପାନୀମାନଙ୍କ ଲାଇନ କଟାଯିବ ବୋଲି କୁହାଯାଇଛି ।