ବାଲେଶ୍ବର: ଅଦମ୍ୟ ଚେଷ୍ଟା, ଦୃଢ ମନୋବଳ ଆଗରେ ହାର ମାନିଛି ଶାରୀରିକ ଅକ୍ଷମତା । ଦୁର୍ବଳତାକୁ ହରାଇ ନିଜ ବୁଦ୍ଧିର ପରିଚୟ ଦେଇଛନ୍ତି ଦୃଷ୍ଟିହୀନ ଛାତ୍ରଛାତ୍ରୀ । ଭଲ ଭାବରେ ଦେଖାଯାଉନଥିଲେ ମଧ୍ୟ ସେମାନେ କାହାଠାରୁ କମ୍ ନୁହଁନ୍ତି ବୋଲି ପ୍ରମାଣ କରିଛନ୍ତି । ବାଲେଶ୍ବରର କୁଇଜ ପ୍ରତିଯୋଗିତାରେ ଦୃଷ୍ଟିହୀନ ଛାତ୍ରଛାତ୍ରୀ କୃତ୍ବିତ୍ବ ହାସଲ କରି ବେଶ ପ୍ରଶଂସା ସାଉଁଠିଛନ୍ତି ।
ବାଲେଶ୍ବର ସହରର ରାଣିପାଟଣା ସ୍ଥିତ ଦୃଷ୍ଟିହୀନ ବିଦ୍ୟାଳୟର ଛାତ୍ରଛାତ୍ର କୁଇଜ ପ୍ରତିଯୋଗିତାରେ କୃତ୍ବିତ୍ବ ହାସଲ କରିଛନ୍ତି । ବାଲେଶ୍ବର ସହରର ଉତ୍କଳବାଣୀ, କାଳିଦାସପୁର, ବାଲେଶ୍ବର ପକ୍ଷରୁ ଓଡିଶାର ବିଭିନ୍ନ ପ୍ରାନ୍ତର କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି କୁଇଜ ପ୍ରତିଯୋଗିତା ବିଦ୍ୟାଳୟ ବିଦ୍ୟାଳୟ ମଧ୍ୟରେ ଅନୁଷ୍ଠିତ ହୋଇଥିଲା । ତିନି ରାଉଣ୍ଡ ବିଶିଷ୍ଟ ରହିଥିଲା ଏହି କୁଇଜ ପ୍ରତିଯୋଗିତା । ଯେଉଁଥିରେ ପ୍ରତ୍ୟେକ ବିଦ୍ୟାଳୟରୁ ଦୁଇ ଜଣ ଅଂଶଗ୍ରହଣ କରିଥିଲେ ।