ବାଲେଶ୍ବର: କାର୍ଯ୍ୟରତ ଥିବା ଜଣେ ଗ୍ରାମରକ୍ଷୀଙ୍କ ଉପରକୁ ଆକ୍ରମଣ ଅଭିଯୋଗ । ବାଲେଶ୍ଵର ଜିଲ୍ଲା ନୀଳଗିରି ଥାନା ଅଞ୍ଚଳର ଡ୍ୟୁଟିରେ ଥିବା ଜଣେ ଗ୍ରାମରକ୍ଷୀଙ୍କୁ ଜଣେ ଯୁବକ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି। ଆକ୍ରମଣରେ ଗ୍ରାମରକ୍ଷୀ ଗୁରୁତର ଭାବେ ଆହତ ହୋଇଥିବା ବେଳେ ଯୁବକଙ୍କୁ ଗିରଫ କରିଛି ପୋଲିସ।
ଗ୍ରାମରକ୍ଷୀଙ୍କୁ ମରଣାନ୍ତକ ଆକ୍ରମଣ
ସୂଚନା ଅନୁସାରେ, ଅଯୋଧ୍ୟା ଫାଣ୍ଡି ଅଧିନରେ ଥିବା ରାଧାକିଶୋରପୁର ଗ୍ରାମର ଗ୍ରାମରକ୍ଷୀ ହରିଶ୍ଚନ୍ଦ୍ର ପାତ୍ର ଡ୍ୟୁଟିରେ ଥିବାବେଳେ ଉକ୍ତ ଗ୍ରାମର ଯୁବକ ଶଶିକାନ୍ତ ରାଜ ବାଇକରେ ହାଟକୁ ପରିବା ଆଣିବା ପାଇଁ ଯାଉଥିଲେ। ହରିଶ୍ଚନ୍ଦ୍ର ଶଶିକାନ୍ତଙ୍କୁ ଅଟକାଇବାରୁ ଉତକ୍ଷିପ୍ତ ହୋଇ ଶଶିକାନ୍ତ ଏକ କଟୁରିରେ ହରିଶ୍ଚନ୍ଦ୍ରକୁ ଆକ୍ରମଣ କରିଥିଲେ।