ବାଲେଶ୍ଵର :ବାଲେଶ୍ଵର ଜିଲ୍ଲା ସିମୁଳିଆ ଥାନା ପାହି ତୋରଣା ପଞ୍ଚାୟତ ଦୋରା ଗ୍ରାମ ପୋଖରୀ ଭିତରୁ ମହିଳାଙ୍କ ମୃତଦେହ ଉଦ୍ଧାର କରାଯାଇଛି । ମୃତ ମହିଳାଙ୍କ ବେକ ଓ ଗୋଡ଼ରେ ପଥର ବସ୍ତା ବନ୍ଧା ଯାଇଥିବା ଦେଖିବାକୁ ମିଳିଛି । ମୃତ ମହିଳା ଜଣଙ୍କ ହେଲେ କୁନୁଲତା ନାୟକ । ମୃତ ମହିଳାଙ୍କ ସ୍ବାମୀ କେଉଁଆଡେ ଫେରାର ହୋଇଯାଇଥିବା ଜଣାପଡିଛି ।
ପୋଖରୀରୁ ଉଦ୍ଧାର ହେଲା ମହିଳାଙ୍କ ମୃତଦେହ, ହାତ ଗୋଡ଼ରେ ପଥର ବନ୍ଧା ହୋଇଥିଲା
ସୂଚନାନୁସାରେ ଦୋରା ଗ୍ରାମରେ ରହୁଥିବା ଧନେଶ୍ୱର ନାୟକ ଓ ସ୍ତ୍ରୀ କୁନୁଲତାଙ୍କ ମଧ୍ୟରେ କିଛିଦିନ ଧରି କଳହ ଲାଗି ରହିଥିଲା । ଗତ ଦୁଇ ଦିନ ଧରି ଧନେଶ୍ୱର ଘରେ ନରହିବା ଓ ସ୍ତ୍ରୀ କୁନୁଲତାଙ୍କୁ ଗ୍ରାମବାସୀ ମାନେ ନଦେଖିବାରୁ କୁନୁଲତାଙ୍କ ଭାଇଙ୍କୁ ଏ ସମ୍ପର୍କରେ ଖବର ଦେଇଥିଲେ । କୁନୁଲତାଙ୍କ ଭାଇ ଆସି ଘରେ ତାଲା ଭାଙ୍ଗି ଦେଖିବା ପରେ କୌଣସି ଖବର ପାଇନଥିଲେ ।