ଟାୟାର ବଦଳିବା ବେଳେ କଟିଗଲା ଟ୍ରକ ହେଲପରଙ୍କ ହାତ

ଟ୍ରକର ଟାୟାର ବଦଳାଉ ଥିବାବେଳେ କଟିଯାଇଛି ହେଲପରଙ୍କ ହାତ । ବାଲେଶ୍ୱର ଜିଲ୍ଲା ସୋର ଅଞ୍ଚଳରେ ଘଟିଛି ଏଭଳି ଘଟଣା । ଆହତ ଜଣକ ନୀଳଗିରି ବାଘମରା ଅଞ୍ଚଳର ଅତୁଲ ସିଂ ।

ବାଲେଶ୍ୱର: ଟ୍ରକର ଟାୟାର ବଦଳାଉ ଥିବାବେଳେ କଟିଯାଇଛି ହେଲପରଙ୍କ ହାତ । ଏଭଳି ଏକ ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ସୋର ଅଞ୍ଚଳରେ । ଗୁରୁତର ଆହତ ଜଣକ ନୀଳଗିରି ବାଘମରା ଅଞ୍ଚଳର ଅତୁଲ ସିଂ ବୋଲି ଜଣାପଡିଛି ।

ସୂଚନା ଅନୁସାରେ, ସୋର ବଜାର ନିକଟସ୍ଥ ବରଫକଳ ଛକରେ ଏକ ଟ୍ରକର ଟାୟାର ପମ୍ପଚର ହୋଇଯାଇଥିଲା। ତେଣୁ ଟ୍ରକରହେଲପର ଅତୁଲ ସିଂ ଟାୟାର ବଦଳାଇବା ପାଇଁ ଟ୍ରକରୁ ଓହ୍ଲାଇଥିଲେ । ଅତୁଲ ଟାୟାର ଖୋଲୁଥିବାବେଳେ ହଠାତ ଟାୟାରଟି ଫାଟି ଯାଇଥିଲା। ଫଳରେ ଏଥିରେ ଲାଗିଥିବା ଏକ ରିଙ୍ଗ ଅତୁଲଙ୍କ ହାତରେ ବାଜି ତାଙ୍କ ଡାହାଣ ହାତକଟି ଯାଇଥିଲା ।

ଦୁର୍ଘଟଣା ପରେ ପାଖରେ ଥିବା ଦୋକାନୀମାନେ ଅତୁଲଙ୍କୁ ତୁରନ୍ତ ସୋର ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ସ୍ଥାନାନ୍ତରଣ କରାଯାଇଥିବା ଜଣାପଡିଛି।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ