ବାଲେଶ୍ବରରେ ଚାଷୀଙ୍କୁ କଚାଡି ମାରିଲା ହାତୀ

ବାଲେଶ୍ବର ଜିଲ୍ଲା ରାଇବଣିଆ ଥାନା ଅନ୍ତର୍ଗତ ଘଷିପଦା ଗ୍ରାମରେ ହାତୀ ଆକ୍ରମଣ ଯୋଗୁଁ ଜଣଙ୍କର ମୃତ୍ୟୁ ଘଟିଛି ।

ବାଲେଶ୍ବର: ରାଇବଣିଆ ଥାନା ଅଞ୍ଚଳରେ ହାତୀ ଆକ୍ରମଣରେ ଜଣେ ମୃତ । ବିଲରୁ କାମସାରି ଫେରୁଥିବା ସମୟରେ ହାତୀ ଆକ୍ରମଣ କରିଥିଲା ।

ଜିଲ୍ଲା ରାଇବଣିଆ ଥାନା ଅନ୍ତର୍ଗତ ଶ୍ୟାମନଗର ପଞ୍ଚାୟତର ଘଷିପଦା ଗ୍ରାମରେ ହାତୀ ଆକ୍ରମଣରେ ଜଣେ ଚାଷୀଙ୍କ ମୃତ୍ୟୁ ଘଟିଛି । ଘଷିପଦା ଗ୍ରାମର ବାହାଦୁର ମାରାଣ୍ତି ବିଲରୁ କାମ ସାରି ଫେରିବା ବାଟରେ ଜଙ୍ଗଲ ଭିତରେ ଥିବା ହାତୀ ବାହାଦୁରଙ୍କୁ ଆକ୍ରମଣ କରିଥିଲା । ହାତୀ ଆକ୍ରମଣ ଯୋଗୁଁ ଘଟଣାସ୍ଥଳରେ ବାହାଦୁରଙ୍କର ମୃତ୍ୟୁ ହୋଇଯାଇଛି। ଖବର ପାଇ ଘଟଣାସ୍ଥଳରେ ରାଇବଣିଆ ଥାନା ଅଧିନସ୍ଥ କୁଷଗଡ ଫାଣ୍ତି ଅଧିକାରୀ ପହଞ୍ଚିଛନ୍ତି । ଫାଣ୍ତି ଅଧିକାରୀ ଶବ ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡିଛି।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ