ଅବକାରୀ ବିଭାଗ ଚଢାଉ, ଦୁଇ ଗିରଫ

ବାଲେଶ୍ବର ଅବକାରୀ ମୋବାଇଲ ୟୁନିଟ ଓ ସଦର ଅବକାରୀ ବିଭାଗର ମିଳିତ ଚଢାଉ । ବିପୁଳ ପରିମାଣର ଦେଶୀ ମଦ ଜବତ । ଅଧିକ ପଢନ୍ତୁ...

ବାଲେଶ୍ବର: ଜିଲ୍ଲା ଅବକାରୀ ମୋବାଇଲ ୟୁନିଟ ଓ ସଦର ଅବକାରୀ ବିଭାଗ ପକ୍ଷରୁ ବାଲେଶ୍ବରର ବିଭିନ୍ନ ସ୍ଥାନରେ ମିଳିତ ଚଢାଉ କରାଯାଇଛି । ଘଟଣାସ୍ଥଳରୁ ବିପୁଳ ପରିମାଣର ଦେଶୀମଦ ଜବତ କରାଯିବା ସହ ପୋଚ ନଷ୍ଟ କରାଯାଇଛି । ଏହାସହ ମଦ କାରବାରରେ ସଂପୃକ୍ତ ଦୁଇଜଣଙ୍କୁ ଗିରଫ କରାଯାଇଛି । ଗିରଫ ଦୁଇଜଣ ରତ୍ନାକର ମହାନ୍ତି ଓ ସବିତା ସିଂ ବୋଲି ଜଣାପଡିଛି ।

ସୂଚନା ଅନୁସାରେ, ଅବକାରୀ ବିଭାଗର ଏହି ମିଳିତ ଚଢାଉ ଗଣ୍ଡର୍ଦ୍ଦା ଓ ଫୁଲାଡ଼ି ଅଞ୍ଚଳରେ କରାଯାଇଥିଲା । ଯେଉଁଥିରେ ସଦର ଅବକାରୀ ବିଭାଗ ଦ୍ଵାରା ୨୧୦ ଲିଟର ଦେଶୀ ମଦ ଜବତ କରାଯିବା ସହ ୨ ହଜାର ଲିଟର ପୋଚ ନଷ୍ଟ କରାଯାଇଛି । ସେହିପରି ଅବକାରୀ ମୋବାଇଲ ୟୁନିଟ ଦ୍ୱାରା ୩ହଜାର ଲିଟର ପୋଚ ନଷ୍ଟ କରାଯାଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ