ବାଲେଶ୍ବର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଜଣେ ୬ମାସର ଗର୍ଭବତୀଙ୍କୁ ଭୁଲ ମେଡ଼ିସିନ ଦେଇଥିବା ନେଇ ଅଭିଯୋଗ । ତେବେ ଏହି ଗର୍ଭବତୀ ମହିଳାଙ୍କ ପେଟରେ ଥିବା ଛୁଆ ଭୁଲ ମେଡିସେନ୍ ଯୋଗୁଁ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏନେଇ ପରିବାର ପକ୍ଷରୁ ସିଡିଏମଓଙ୍କ କାର୍ଯ୍ୟାଳୟ ଆଗରେ ଧାରଣା ଦିଆଯିବା ନ୍ୟାୟ ଦାବି କରିଛନ୍ତି ।
ଭୁଲ ମେଡ଼ିସିନରୁ ନବଜାତକର ମୃତ୍ୟୁ ଅଭିଯୋଗ, ଥାନାର ଦ୍ବାରସ୍ଥ ହେଲେ ପରିବାର
ସୂଚନା ଅନୁସାରେ, ଜଳେଶ୍ବର ବ୍ଲକ ଝାଡ଼ପିମ୍ପଳ ଘଣ୍ଟିଆଡ଼ି ଗ୍ରାମର ଜଣେ ୬ମାସର ଗର୍ଭବତୀ ଗୀତା ଜେନାଙ୍କ ପେଟ ଯନ୍ତ୍ରଣା ହେବାରୁ ତାଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଡାକ୍ତର ଅନ୍ୟଜଣେ ରୋଗୀଙ୍କ ପ୍ରେସକ୍ରିସ୍ପନ ଦେଇ ମେଡ଼ିସିନ ଆଣି ଖାଇବା ପାଇଁ ପରାମର୍ଶ ଦେଇଥିଲେ । ଗୀତା ମେଡିସିନ ଖାଇବା ପରେ ଦୁଇ ଘଣ୍ଟା ମଧ୍ୟରେ ତାଙ୍କର ନିର୍ଦ୍ଧାରିତ ସମୟ ପୂର୍ବରୁ ପ୍ରସବ ହୋଇଥିଲା ।