ଘରୁ ଉଦ୍ଧାର ହେଲା 14 ଫୁଟ ଲମ୍ବ ଅହିରାଜ

ନୀଳଗିରି ବ୍ଲକ କଳାକାତର ଅସନ ବଣି ଗାଁରୁ ଏକ 14 ଫୁଟ ଲମ୍ବର ବିଶାଳ ଅହିରାଜ ସାପ ଉଦ୍ଧାର । ଅଧିକ ପଢନ୍ତୁ:

ବାଲେଶ୍ବର : ନୀଳଗିରି ବ୍ଲକ କଳାକାତର ଅସନବଣି ଗାଁରୁ ଏକ ବିଶାଳ ଅହିରାଜ ସାପ ଉଦ୍ଧାର କରାଯାଇଛି । ସାପଟିର ଲମ୍ବ 14 ଫୁଟ ହେବ ବୋଲି ସ୍ନେକ ହେଲ୍ପ ଲାଇନ ପକ୍ଷରୁ କୁହାଯାଇଛି ।

ମିଳିଥିବା ସୂଚନା ଅନୁସାରେ ସାପଟି ଗ୍ରାମର ନାଲୁ ସିଂଙ୍କ ଘରେ ପଶି ଯାଇଥିଲା। ଏତେବଡ଼ ସାପ ଦେଖି ପରିବାର ଲୋକେ ଭୟରେ ବାହାରକୁ ଦୌଡ଼ି ପଳାଇ ଆସିଥିଲେ । ପରେ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ ପରିବାର ସଦସ୍ୟ । ହେଲ୍ପ ଲାଇନର ସଦସ୍ୟ ସୁଶାନ୍ତ ମହାପାତ୍ର, ଗୟାଧର ବେହେରା ଓ ବ୍ରଜ ଶଙ୍କର ବେହେରା ପହଞ୍ଚି ପ୍ରାୟ 3 ଘଣ୍ଟା ପରିଶ୍ରମ ପରେ ସାପଟିକୁ କାବୁ କରିବାରେ ସକ୍ଷମ ହୋଇଛନ୍ତି । ପରେ ସାପଟିକୁ ସୁରକ୍ଷିତ ଭାବେ କୁଳଡିହା ଜଙ୍ଗଲରେ ଛାଡି ଦିଆଯାଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ