ବାଲେଶ୍ବର: ବାଲେଶ୍ବରରେ ଚଢାଉ କରି 51 ଗ୍ରାମ ବ୍ରାଉନସୁଗାର ସହ ଜଣେ ବ୍ୟବସାୟୀକୁ ଗିରଫ କରିଛି ବାଲେଶ୍ବର ପୋଲିସ । ବାଲେଶ୍ବର ଜିଲ୍ଲା ସିଂଲା ଥାନା କାଦରାୟାଁ ଅଞ୍ଚଳରେ ବୁଧବାର ପୋଲିସ ଚଢ଼ାଉ କରି 51 ଗ୍ରାମ ବ୍ରାଉନସୁଗାର ସହ ନଗଦ ୨ଲକ୍ଷ ୪୫ ହଜାର ଟଙ୍କା ଜବତ କରିଥିବା ବେଳେ ଜଣେ ବ୍ୟବସାୟୀକୁ ଗିରଫ କରିଛି।
ବ୍ରାଉନସୁଗାର ଜବତ
ପୋଲିସର ସୂଚନା ଅନୁସାରେ, କାଦରାୟା ଗ୍ରାମର ସେକ ତାହିର ଏକ ବାଇକ ଯୋଗେ ଜଳେଶ୍ବରରୁ ବ୍ରାଉନସୁଗାର ନେଇ କାଦରାୟା ଯାଉଥିଲେ। ସନ୍ଦେହରେ ପୋଲିସ ତାକୁ ଅଟକାଇ ଯାଞ୍ଚ କରିବାରୁ ତାପାଖରୁ ୫୧ଗ୍ରାମ ବ୍ରାଉନସୁଗାର ଓ ନଗଦ ୨ଲକ୍ଷ ୪୫ ହଜାର ଟଙ୍କା ମିଳିଥିଲା। ଯାହାକୁ ପୋଲିସ ଜବତ କରିବା ସହ ସେକ ତାହୀରଙ୍କୁ ମଧ୍ୟ ଗିରଫ କରିଥିଲା।