ଗହଣା ଦୋକାନ ଲୁଟି 4 ଗିରଫ

4ଦିନ ତଳେ ବାଲେଶ୍ଵର ଜିଲ୍ଲା ସୋର ବଜାରର ଏକ ଗହଣା ଦୋକାନରୁ ଲୁଟ ଅଭିଯୋଗରେ 4 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।

ବାଲେଶ୍ଵର: ଜିଲ୍ଲା ସୋର ପୋଲିସ 4ଜଣ ଲୁଟେରାଙ୍କୁ ଗିରଫ କରିଛି । ସେମାନଙ୍କ ନିକଟରୁ ମୋବାଇଲ, ବନ୍ଧୁକ, ଏଟିଏମ କାର୍ଡ ଜବତ ହୋଇଛି । 4ଦିନ ତଳେ ସୋର ବଜାରର ଏକ ଗହଣା ଦୋକାନରୁ ଲୁଟ ଅଭିଯୋଗର ତଦନ୍ତ କରି ସୋର ପୋଲିସ ଲୁଟେରାଙ୍କୁ ଗିରଫ କରିଛି।

ସେମାନଙ୍କ ନିକଟରୁ ଗୋଟିଏ ବନ୍ଧୁକ, 8ଟି ମୋବାଇଲ, 3ଟି ଏଟିଏମ କାର୍ଡ, 2ଟି ବାଇକ ଜବତ କରିଛି ପୋଲିସ। ଗିରଫ ଅଭିଯୁକ୍ତମାନେ ହେଲେ ବାସୁଦେବ ସାମଲ, ମାନସ ମଲ୍ଲିକ, ଆଶିଷ କୁମାର ମଲ୍ଲିକ ଓ ସୁଶାନ୍ତ ଦାସ। ଲୁଟେରା ଗ୍ୟାଙ୍ଗ ପଛରେ ଆଉ କେଉଁମାନେ ସାମିଲ ଅଛନ୍ତି ସେ ବିଷୟରେ ପୋଲିସ ତଦନ୍ତ ଜାରି ରଖିଥିବା ଜଣାପଡିଛି।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ