ବାଲେଶ୍ଵର: ବସ୍ତା ପୋଲିସକୁ ସଫଳତା । ଏକ ବାଇକ ଲୁଟେରା ଗ୍ୟାଙ୍ଗକୁ ଧରିଛି ପୋଲିସ । ଗତ 25 ତାରିଖ ରାତିରେ ପୋଲିସ ଅମର୍ଦାରୋଡ ଅଞ୍ଚଳରେ ପେଟ୍ରୋଲିଂ କରିବା ସମୟରେ ଜଣେ ବାଇକ ଲୁଟେରାକୁ ଧରିଥିଲା । ପୋଲିସ ଉକ୍ତ ଲୁଟେରାକୁ ଗିରଫ କରି ଅଧିକ ତଥ୍ୟ ହାସଲ କରିଥିଲା ।
ଏହି ତଥ୍ୟ ଆଧାରରେ ଗତକାଲି 3 ଜଣଙ୍କୁ ଗିରଫ କରିଛି ପୋଲିସ । ଗିରଫ 4 ଅଭିଯୁକ୍ତ ହେଲେ ବସ୍ତା ଥାନା ବାସିଚକୁରାଇ ଗ୍ରାମର 31 ବର୍ଷୀୟ ଗଙ୍ଗାଧର ନନ୍ଦ, 32 ବର୍ଷୀୟ ଚନ୍ଦନ ପରିଡ଼ା, ସିଙ୍ଗଲା ଥାନା ଗମ୍ଭାଲୁଣ୍ଡି ଗ୍ରାମର 24 ବର୍ଷୀୟ ସାଗର କୁମାର ଦାସ ଏବଂ ମୟୂରଭଞ୍ଜ ଜିଲ୍ଲାର ଖୁଣ୍ଟା ଥାନା ଶର୍ଯ୍ୟାମାଖୁଣ୍ଟା ଅଞ୍ଚଳର 34 ବର୍ଷୀୟ ଆଶିଷ ମହାନ୍ତି । ଗିରଫ ପରେ ସେମାନଙ୍କ ନିକଟରୁ 4ଟି ବାଇକ ଜବତ ହୋଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ