3 ହଜାର ଲିଟର ଦେଶୀ ମଦ ଜବତ, ଜଣେ ଗିରଫ

ପୁରୁଣା ବାଲେଶ୍ଵର ଅଞ୍ଚଳରୁ ଏକ ଗାଡ଼ିରେ ଦେଶୀ ମଦ ଭର୍ତ୍ତି କରି ଭଦ୍ରକ ଚାଲାଣ କରାଯାଉଥିଲା ସମୟରେ ସୋର ଅବକାରୀ ବିଭାଗର ଚଢାଉ । 3 ହଜାର ଲିଟର ଦେଶୀମଦ ଜବତ, ଜଣେ ଗିରଫ । ଅଧିକ ପଢନ୍ତୁ...

ବାଲେଶ୍ଵର:ସୋର ଅବକାରୀ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ଦେଶୀ ମଦ ଜବତ କରିବା ସହ ଜଣଙ୍କୁ ଗିରଫ କରାଯାଇଛି । ସୂଚନା ଅନୁସାରେ, ପୁରୁଣା ବାଲେଶ୍ଵର ଅଞ୍ଚଳରୁ ଏକ ଗାଡ଼ିରେ ଦେଶୀ ମଦ ଭର୍ତ୍ତି କରି ଭଦ୍ରକ ଚାଲାଣ କରାଯାଉଥିଲା ।

ଏନେଇ ଅବକାରୀ ବିଭାଗ ଖବର ପାଇ ଗାଡିକୁ ଧରିବାକୁ ଚେଷ୍ଟା କରିଥିଲେ ମଧ୍ୟ ଗାଡିଟି ଦ୍ରୁତ ଗତିରେ ମାଡି ଯାଇଥିବା ହେତୁ ମୁରୁଣା ଠାରେ ଅବକାରୀ ବିଭାଗ ଗାଡିକୁ ଅଟକାଇବାରେ ସଫଳ ହୋଇଥିଲା । ତେବେ ଗାଡିରୁ 3 ହଜାର ଲିଟର ଦେଶୀମଦ ଜବତ କରାଯିବା ସହ ଗାଡିକୁ ସିଜ କରାଯାଇ ଡ୍ରାଇଭର ରାଜୁ ଚୌଧୁରୀଙ୍କୁ ଗିରଫ କରିଛି ଅବକାରୀ ବିଭାଗ ।

ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ