ବାଲେଶ୍ଵର: ଜିଲ୍ଲା ରେଳବାଇ ପୋଲିସ ତିନି ଜଣ ଲୁଟେରାଙ୍କୁ ଗିରଫ କରିଛି। ଭୋର ସମୟରେ ଟ୍ରେନରେ ଆସୁଥିବା ଯାତ୍ରୀଙ୍କୁ ଲୁଟ କରୁଥିବା ବେଳେ ଲୁଟେରାଙ୍କୁ ଧରିଥିଲା ରେଳବାଇ ପୋଲିସ ।
ଗିରଫ ହେଲେ 3 ରେଳ ଷ୍ଟେସନ ଲୁଟେରା
ସୂଚନା ଅନୁସାରେ ନଭେମ୍ବର ମାସ 28 ତାରିଖ ଶୋଭାରମପୁର ଅଞ୍ଚଳର ଦେବ ଜ୍ୟୋତି ସାହୁ ବିଳମ୍ବିତ ରାତିରେ ଓହ୍ଲାଇ ଘରକୁ ଫେରୁଥିଲେ। ଶୋଭାରମ ପୁର ରେଳ ଲାଇନ ନିକଟରେ ଲୁଟେରାମାନେ ତାଙ୍କୁ ମାଡ଼ ମାରି ମୋବାଇଲ ଓ ଲାପଟପ ଲୁଟି ନେଇଥିଲେ । ସେହିପରି ତା’ପରଦିନ ଅର୍ଥାତ ନଭେମ୍ବର 29 ତାରିଖରେ ନନ୍ଦକିଶୋର ସାହୁ ଓ ତାଙ୍କ ସ୍ତ୍ରୀଙ୍କ ଠାରୁ ମୋବାଇଲ, ଟଙ୍କା, ସୁନା ଅଳଙ୍କାର ଲୁଟି ନେଇଥିଲେ ଏହି ଲୁଟେରାମାନେ । ଦୁଇ ଜଣଙ୍କ ଅଭିଯୋଗକୁ ଭିତ୍ତି କରି ରେଳବାଇ ପୋଲିସ ମାମଲା ରୁଜୁ କରିଥିଲା ।