ଡିଭାଇଡରରେ ପିଟି ହେଲା ବାଇକ: ୨ ମୃତ, ଜଣେ ଗୁରୁତର

ବାଲେଶ୍ୱର ଭୀମପୁରା ନିକଟ ରାସ୍ତାକଡ଼ରେ ସଡକ ଦୁର୍ଘଟଣା । ଡିଭାଇଡରରେ ବାଇକ ପିଟି ହେବାରୁ ୨ ଯୁବକଙ୍କ ମୃତ୍ୟୁ । ଅଧିକ ପଢନ୍ତୁ

ବାଲେଶ୍ବର: ଭାରସାମ୍ୟ ହରାଇ ଡିଭାଇଡରରେ ପିଟି ହେଲା ବାଇକ, ଚାଲିଗଲା ୨ ଯୁବକଙ୍କ ଜୀବନ । ଜଣେ ଆହତ ହେଉଥିବା ବେଳେ ହସ୍ପିଟାଲରେ ଭର୍ତ୍ତି କରାଯାଇଛି । ଏଭଳି ଦୁଃଖଦ ଘଟଣା ଘଟିଛି ବାଲେଶ୍ୱର ଭୀମପୁରା ନିକଟ ରାସ୍ତାକଡ଼ରେ । ୨ମୃତକ ବାଲିଆ ଅଞ୍ଚଳର ପରେଶ ଓ ଭାଲୁ ବୋଲି ଜଣାପଡିଥିବା ବେଳେ ଆହତ ଜଣଙ୍କ ସେହି ଅଞ୍ଚଳର ପାକୁଆ ବୋଲି ଜଣାପଡିଛି ।

ସୂଚନା ଅନୁଯାୟୀ, ତିନିଜଣ ଯୁବକ ଏକ ବାଇକରେ ରେମୁଣା ଗୋଲେଇ ଯାଉଥିବା ବେଳେ ଭୀମପୁରା ନିକଟ ରାସ୍ତାକଡ଼ ଡିଭାଇଡରରେ ପିଟି ହୋଇ ଯାଇଥିଲେ । ଏହାପରେ ୩ ଜଣଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଦୁଇଜଣଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟଜଣଙ୍କ ଚିକିତ୍ସା ଜାରି ରହିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ