ବଲାଙ୍ଗୀର: ଲୁଚାଇ ହୁଏନି କଳାକୁ, ତା'ର ବାସ ମହକେ, ଚହଟ ଫୁଟିଉଠେ । ତୁଳସୀ ପରିଚୟ ଦୁଇ ପତ୍ରରୁ ମହକିବା ପରି କଳାକାର ଟିଏର କଳା ମଧ୍ୟ ବାସିଉଠେ ପିଲାଟି ବେଳୁ । ଏପରି ପ୍ରତିଭାବନ କଳା ପ୍ରସ୍ଫୁଟିତ ହୋଇଛି ଅସ୍ମୀ ମିଶ୍ରଙ୍କ ଠାରେ । ମାତ୍ର ନଅ ବର୍ଷରୁ ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇବା ସହ ଗଦା ଗଦା ଆୱାର୍ଡର ଓ୍ୱିନର ହୋଇ ପାରିଛନ୍ତି ଅସ୍ମୀ । ନାଚ, ଅଭିନୟ, ମଡେଲିଂ ସେଥିରେ ବି ପାଠ ସବୁଥିରେ ଆଗୁଆ ଏହି କୁନି ପ୍ରତିଭା ।
ବଲାଙ୍ଗୀର ଜିଲ୍ଲା ରାଜୀବ ନଗରରେ ରହୁଥିବା ଅଶ୍ବିନୀ ମିଶ୍ର ଏବଂ ରଶ୍ମିତା ତ୍ରିପାଠୀଙ୍କ ଝିଅ ହେଉଛନ୍ତି ସୁଶ୍ରୀ ଅସ୍ମୀ ମିଶ୍ର । ପାଠ ପଢାରେ ସେ ମେଧାବୀ ଛାତ୍ରୀ ହୋଇ ଥିବାବେଳେ ନାଚ, ଅଭିନୟ ଓ ମଡେଲିଂ ତାଙ୍କର ନିଶା । ସେ ମାତ୍ର ଅଢେଇ ବର୍ଷରୁ ନାଚ, ଅଭିନୟ ପ୍ରତି ମନ ବଳାଇବାରୁ ବାପା-ମାଆ ତାଙ୍କୁ ଡାନ୍ସ ଏକାଡେମୀରେ ଆଡମିଶନ କରାଇଥିରେ । ଫଳରେ ଏତେ କମ୍ ବର୍ଷ ବୟସରେ ଅସ୍ମୀ ପାଞ୍ଚଟି ଡାନ୍ସ ଫର୍ମାଟରେ ଦୁଇଟି ଡାନ୍ସ ଏକାଡେମୀରୁ ଶିକ୍ଷା ଲାଭ କରୁଛନ୍ତି । ତେବେ ଓଡ଼ିଶୀ ନୃତ୍ୟ, ପାରମ୍ପରିକ ଲୋକ ନୃତ୍ୟ, ବଲିଉଡ୍ ନୃତ୍ୟ ଓ ହିପ-ପପ୍ ଶିଖୁଛନ୍ତି ।