ବଲାଙ୍ଗୀର:ଆଧୁନିକ ଯୁଗର ପିଲାଙ୍କ ପାଇଁ ଖେଳଣା ପାଲଟିଛି ମୋବାଇଲ ଓ ଭିଡିଓ ଗେମ । କମ୍ପ୍ୟୁଟର ଓ ମୋବାଇଲରେ ବିଭିନ୍ନ ଗେମ ଖେଳିବା ଏମାନଙ୍କ ନିଶା । କିନ୍ତୁ ଏପରି ପିଲାଙ୍କ ପାଇଁ ଉଦାହରଣ ପାଲଟିଛନ୍ତି ବିସ୍ମୟ ବାଳକ ।
କୁନି ବୈଜ୍ଞାନିକ ରମଣଙ୍କ ବିଚକ୍ଷଣ ବୁଦ୍ଧିରେ ଫିକା ବିଜ୍ଞାନ
ଅନ୍ୟମାନେ ଯେତେବେଳେ କେବଳ ଗେମ ଖେଳିବା କଥା ଭାବୁଛନ୍ତି, ସେ ସେହି ଗେମକୁ ତିଆରି କରିବାରେ ଲାଗିଛନ୍ତି । ମାତ୍ର 6 ବର୍ଷରେ ସମସ୍ତଙ୍କୁ କରିଛନ୍ତି ଚକିତ । ସୃଷ୍ଟି କରିଛନ୍ତି 150ରୁ ଅଧିକ ମୋବାଇଲ ଆପ ଓ ଗେମ । ଗେମ ଡିଜାଇନ ସହ ରୋବଟ ନିର୍ମାଣ । ଏପରିକି ରୋବଟକୁ ପ୍ରୋଗ୍ରାମ ମଧ୍ୟ କରିଛନ୍ତି । ଏତେ କମ ବୟସରୁ ଟେକ୍ନୋଲୋଜିରେ ନିପୁଣ ।
କଥାରେ ଅଛି ତୁଳସୀ 2 ପତ୍ରରୁ ବାସେ । ଛୋଟ ପିଲାର କାମକୁ ଚିହ୍ନିଲେ ମୁଖ୍ୟମନ୍ତ୍ରୀ ନବୀନ । ଟ୍ବିଟରେ ମିଳିଛି ତାରିଫ । ଆମେ କହୁଛୁ ବଲାଙ୍ଗୀରର ଭେଙ୍କଟ ରମଣ ପଟ୍ଟନାୟକଙ୍କ କାହାଣୀ ।