ବଲାଙ୍ଗୀର: ଗୁଣି ଗାରେଡି ସନ୍ଦେହରେ ଦଣ୍ଡ ପାଇଥିବା 13 ପରିବାର ନ୍ୟାୟ ପାଇବାରୁ ବଞ୍ଚିତ। ନ୍ୟାୟ ପାଇଁ ବିକ୍ଷୋଭ କଲା କନ୍ଧ ସମାଜ ।
ଗୁଣି ଗାରେଡି ସେନ୍ଦେହରେ ନ୍ୟାୟରୁ ବଞ୍ଚିତ ୧୩ ପରିବାର ପାଇଁ ଆଗେଇ ଆସିଲା ସମାଜ
ବଲାଙ୍ଗୀର ଗୁଣି ଗାରେଡି ସନ୍ଦେହରେ 13 ପରିବାରକୁ କାଙ୍ଗାରୁ କୋର୍ଟରେ ଦଣ୍ଡ ଦିଆଯିବ ସହ ଗାଁରୁ ତାଙ୍କୁ ତଡ଼ି ଦେଇଥିଲେ। ଏହି ଘଟଣାରେ ଆଜି ବି ନ୍ୟାୟରୁ ବଞ୍ଚିତ ଅଛନ୍ତି ପୀଡ଼ିତ ପରିବାର। ତେବେ ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ନିର୍ମୁଲା ଗ୍ରାମରେ ଗୁଣି ଗାରେଡି ସନ୍ଦେହରେ ଏହି ଗ୍ରାମର ବ୍ରଜ ଭୋଇ ଓ ଅନ୍ୟ 12 ପରିବାରକୁ ଗ୍ରାମବାସୀ କଙ୍ଗାରୁ କୋର୍ଟରେ ସଜା ଦେବା ସହ ଗାଁରୁ ବାସନ୍ଦ କରିଥିଲେ। ସେହିପରି ଏହି 13 ପରିବାରକୁ ଗାଁ ରୁ ତଡ଼ି ଦେଇଥିଲେ। ଯାହାପରେ ନିଜ ଘର ଦ୍ବାର ଛାଡି ଅସହାୟ ହୋଇଥିବା ପରିବାର ନ୍ୟାୟ ପାଇଁ ବଲାଙ୍ଗୀର ଜିଲ୍ଲାପାଳ ଓ ପୋଲିସର ଦ୍ୱାରସ୍ତ ହୋଇଥିଲେ। ହେଲେ ଏହି ଘଟଣାକୁ ଆଜି 45 ଦିନ ବିତିଥିଲେ ସୁଦ୍ଧା ଏମାନେ ନ୍ୟାୟ ପାଇ ପାରିନାହାଁନ୍ତି।