ବଲାଙ୍ଗୀର: ଜିଲ୍ଲାରେ କମୁନି ଭିଜିଲାନ୍ସ ଚଢାଉ । ଜଣଙ୍କ ପରେ ଜଣେ ଅଧିକାରୀ ହେଉଛନ୍ତି ଭିଜିଲାନ୍ସର ଶିକାର । ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଆଜି ପୁଣି ଜଣେ ଅଧିକାରୀଙ୍କ ଘରେ ଓ କାର୍ଯ୍ୟାଳୟରେ ଏକକାଳୀନ ଚାଲିଛି ଚଢାଉ ।
ପୁଇଁତଲା ବ୍ଲକର ପଞ୍ଚାୟତ ଅଧିକାରୀଙ୍କ ଘରେ ଓ ସରକାରୀ କାର୍ଯ୍ୟାଳୟରେ ଏକ କାଳୀନ ଚଢାଉ ଜାରି ରହିଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢାଉ ଚାଲିଥିବାର ଭିଜିଲାନ୍ସ କହିଛି। ବରଗଡ ଓ ସମ୍ବଲପୁର ଭିଜିଲାନ୍ସ ଟିମ ମିଳିତ ଭାବେ ଏହି ଚଢାଉ କରୁଛନ୍ତି।
ପଞ୍ଚାୟତ ଅଧିକାରୀଙ୍କ ଘରେ ଭିଜିଲାନ୍ସ ରେଡ୍
ବଲାଙ୍ଗୀର ଶାନ୍ତିପଡା ସ୍ଥିତ ପଞ୍ଚାୟତ ଅଧିକାରୀଙ୍କ ବାସଭବନ ଓ ତାଙ୍କ ସରକାରୀ କାର୍ଯ୍ୟାଳୟ ପୁଇଁତଲା ବ୍ଲକରେ ଏହି ଚଢାଉ ଜାରି ରହିଛି। ସେପଟେ ତାଙ୍କ ଘରୁ ବିଭିନ୍ନ ଜମିଜମା କାଗଜ ପତ୍ର, ସୁନା ଗହଣା, ନଗଦ ଟଙ୍କା ଜବତ ହୋଇଥିବା ବେଳେ ଏ ସବୁର ଆକଳନ ଜାରି ରହିଥିବା ଭିଜିଲାନ୍ସ କହିଛି।