ବଲାଙ୍ଗୀର:ବଲାଙ୍ଗୀର ଜିଲ୍ଲା କାରାଗାରରେ ଗତକାଲି(ବୁଧବାର) ଜଣେ ବିଚାରଧୀନ କଏଦୀର ମୃତ୍ୟୁ ଘଟିଛି (Under trial prisoner dies in balangir district jail)। ମୃତକ ହେଉଛନ୍ତି ସିନ୍ଧେକେଲା ଥାନା ଅନ୍ତର୍ଗତ ଘରାଲା ଗ୍ରାମର ବ୍ୟକ୍ତି ଶୁଭ ଝାଙ୍କର । ନାବାଳିକାକୁ ନିର୍ଯାତନା ଓ ଦୁଷ୍କର୍ମ ମାମଲାରେ 2018 ମସିହାରୁ ସେ ଜିଲ୍ଲା କାରାଗାରରେ ବିଚାରଧୀନ କଏଦୀ ଭାବରେ ଥିଲେ ।
ହଠାତ୍ ସେ ଜେଲରେ ଅସୁସ୍ଥ ହୋଇଯିବା ପରେ ତାଙ୍କୁ ବଲାଙ୍ଗୀର ଭୀମ ଭୋଇ ମେଡ଼ିକାଲରେ ଭର୍ତ୍ତି କରାଯାଇଥିଲା । ବୁଧବାର ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ଏ ସମ୍ପର୍କରେ ତାଙ୍କ ପରିବାର ଲୋକଙ୍କୁ ଖବର ଦିଆଯାଇଥିଲେ ମଧ୍ୟ ସେମାନେ ଶୁଭ ଝାଙ୍କରଙ୍କ ମୃତଦେହ ନେବାକୁ ମନା କରିଦେଇଥିଲେ । ହେଲେ ଏନେଇ ଖବର ପାଇବା ପରେ ବଲାଙ୍ଗୀରର ସ୍ବେଚ୍ଛାସେବୀ ସଂଗଠନ ବିଙ୍ଗ୍ ହ୍ୟୁମାନ(Being Human)ର କର୍ମକର୍ତ୍ତା ମାନେ ଆଗେଇ ଆସିଥିଲେ ଏବଂ ବଲାଙ୍ଗୀର ବିଭୂତିପଦାରେ ମୃତଦେହ ସତ୍କାର କରିଛନ୍ତି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ