ବଲାଙ୍ଗୀର: ଭୀମ ଭୋଇ ମେଡିକାଲରେ ବନ୍ଦ ରହିଛି ଅଲଟ୍ରାସାଉଣ୍ଡ ଟେଷ୍ଟ । ଚିକିତ୍ସା ନପାଇ ହଇରାଣ ହେଉଛନ୍ତି ରୋଗୀ । ଫଳରେ ଦୂର ଦୂରାନ୍ତରୁ ଆସୁଥିବା ରୋଗୀ ଏବେ ନାହିଁ ନଥିବା ଅସୁବିଧା ଭୋଗୁଥିବା ବେଳେ ହଇରାଣ ହେଉଛନ୍ତି । ତେବେ ବଲାଙ୍ଗୀର ଭୀମ ଭୋଇ ମେଡିକାଲ୍ କଲେଜ ଡାକ୍ତରଖାନା ଉପରେ ବଲାଙ୍ଗୀର ଜିଲ୍ଲା ଓ ଆଖ ପାଖ ପାଞ୍ଚଟି ଜିଲ୍ଲାର ଲୋକେ ନିର୍ଭର କରିଥାନ୍ତି ।
ଦୈନିକ ପାଞ୍ଚ ଶହରୁ ଅଧିକ ରୋଗୀ ବିଭିନ୍ନ ସ୍ଥାନରୁ ରେଫର ହୋଇ ଏଠିକୁ ଆସନ୍ତି । ତେବେ ଏଠି ଚିକିତ୍ସା ପାଇଁ ନିହାତି ଭାବରେ ଆବଶ୍ୟକ ଥିବା ଅଲଟ୍ରାସାଉଣ୍ଡ ଟେଷ୍ଟ ଉପରେ ମଧ୍ୟ ସମସ୍ତେ ନିର୍ଭର କରିଥାନ୍ତି । ଯେଉଁଥିରେ ବିଶେଷ କରି ଗର୍ଭବତୀ ମହିଳାଙ୍କ ଏହି ଟେଷ୍ଟ ନିହାତି ଆବଶ୍ୟକ ଥିବା ବେଳେ ଦୀର୍ଘ ସାତ ଦିନରୁ ଏହି ଟେଷ୍ଟ ଏଠି ହୋଇ ପାରୁନାହିଁ । ଫଳରେ ଚିକିତ୍ସାରେ ବାଧା ଉପୁଜିଛି ।