ବଲାଙ୍ଗୀର: ପୁଣି ପଶ୍ଚିମ ଓଡିଶାରେ ତୀବ୍ର ହୋଇଛି ପୁନଃହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି । ଯାହାକୁ ନେଇ ଆଜି ବଲାଙ୍ଗୀର ଓକିଲ ସଂଘ ଓ ବିଭିନ୍ନ ଅନୁଷ୍ଠାନ ପକ୍ଷରୁ ଦୁଇ ଦିନିଆ ବନ୍ଦ ଡାକରା ଦିଆଯାଇଛି । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏନେଇ ଧାରଣା ଦିଆଯାଇଛି ।
ଏହା ପ୍ରଭାବରେ ଜିଲ୍ଲାର ସବୁ ସରକାରୀ ଅନୁଷ୍ଠାନ ବନ୍ଦ ରହିଥିବା ଦେଖିବାକୁ ମିଳିଛି । ଯେଉଁଥିରେ କେନ୍ଦ୍ର ଓ ରାଜ୍ୟ ସରକାରଙ୍କ ସବୁ ସରକାରୀ କାର୍ଯ୍ୟାଳୟ, କୋର୍ଟ କଚେରୀ ବନ୍ଦ ଥିବାବେଳେ ବ୍ୟାଙ୍କ ଓ ବୀମା ଅନୁଷ୍ଠାନ ମଧ୍ୟ ବନ୍ଦ ରହିଛି । ଦୁଇ ଦିନିଆ ବନ୍ଦରେ ସବୁ ଉନ୍ନୟନ କାମ ଠପ ହୋଇଥିବାବେଳେ ଦୋକାନ ବଜାର, ସ୍କୁଲ କଲେଜ ଓ ଗାଡି ଚଳାଚଳ ସ୍ବାଭାବିକ ରହିଛି । ସେପଟେ ଏହି ବନ୍ଦକୁ ଜିଲ୍ଲାର ଶତାଧିକ ସଙ୍ଗଠନ ଓ ଅନୁଷ୍ଠାନ ସମର୍ଥନ ଦେଇଛନ୍ତି ।
ଭିଡିଓ ସୌଜନ୍ୟ:ସମ୍ବାଦଦାତା, ବଲାଙ୍ଗୀର